Дэлхий даяар коронавирусын халдварын улмаас нас барсан хүмүүсийн тоо өмнөх 28 хоногтой харьцуулахад 46%, халдварын тоо 31% буурсан гэж Дэлхийн эрүүл мэндийн байгууллага (ДЭМБ) мэдэгдэв.
ДЭМБ-ын мэдээлснээр сүүлийн дөрвөн долоо хоногт дэлхий даяар халдварын 3,738,575 тохиолдол бүртгэгдэж, 26,147 хүн нас баржээ.
Энэ 28 хоногийн хугацаанд хамгийн олон нь АНУ-д 792,202 тохиолдол илэрсэн бол ОХУ 339,564, Хятад 320,029, Япон 291,672, Герман 281,468 өвчлөл тус тус бүртгэгджээ. Өнгөрөгч 2-р сарын 20-ноос 3-р сарын 19-ний хооронд АНУ-д 8187 хүн энэ өвчний улмаас нас барсан нь хамгийн олон тохиолдол болов. Түүнчлэн Их Британид 2474 , Японд 1898, Бразилд 1587, Хятадад 1472 хүн нас барсан байна.
ДЭМБ-ын мэдээлснээр цар тахал эхэлснээс хойш энэ гуравдугаар сарын 21-ний байдлаар дэлхий даяар коронавирусын 761,071,826 тохиолдол бүртгэгдэж, 6,879,677 хүн нас баржээ.
Эх сурвалж: Сentralasia.media
