Еврокомиссын тэргүүн Урсула фон дер Лейен дайны үеэр Орост авчирсан Украины хүүхдүүдийг буцаан авах асуудлаар бага хурал зохион байгуулах бодолтой байгаагаа мэдэгдэв.
Тэрээр ЕХ-ны дээд хэмжээний уулзалтын дараа "Энэ бол манай түүхэн дэх хамгийн хар бараан цаг үеийн аймшигтай сануулга. Энэ бол дайны гэмт хэрэг" гэж хэлэв.
Өнгөрсөн долоо хоногт Олон улсын эрүүгийн шүүхээс ОХУ-ын Ерөнхийлөгч Владимир Путин, ОХУ-ын хүүхдийн эрхийн төлөөлөгч Мария Львова-Белова нарыг Украины хүүхдүүдийг албадан гаргасан хэргээр баривчлах тушаал гаргасан юм.
Оросууд цэргийн ажиллагаа эхэлснээс хойшхи жил гаруй хугацаанд Украины 16,000 гаруй хүүхдийг Орост авчирсан бөгөөд Киевийн мэдээлснээр тэдний ихэнх нь асрамжийн газар, эсвэл гэр бүлд үрчлүүлсэн байгаа гэж мэдэгджээ.
Фон дер Лейен Польшийн Ерөнхий сайд Матеуш Моравецкитэй хамтран ажиллаж, тэднийг эргэж ирэхэд нь олон улсын дэмжлэг үзүүлэх болно гэж мэдэгдэв.
"Өнөөдрийн байдлаар албадан гаргасан 16,200 хүүхдийн 300 нь л буцаж ирснийг бид мэдэж байгаа бөгөөд эдгээр гэмт хэргийн шинжтэй үйлдлүүд нь Олон улсын Эрүүгийн шүүхээс гаргасан нэр бүхий хүмүүсийг баривчлах тогтоол зөв, бүрэн үндэслэлтэй байсан гэдгийг нотолж байна.
Бид маш хүнд ажлын эхэнд байна." Эдгээр хүүхдүүдийг олохын тулд боломжтой бүх арга хэмжээг авахын тулд олон улсын дарамт шахалтыг нэгтгэхийг хичээнэ." гэж хатагтай Урсула фон дер Лейен мэдэгджээ.
Эх сурвалж: ВВС
