Шадар сайд С.Амарсайхан мэдээлэл хийж байна. Тэрбээр " Өчигдөр ЗГ-ын хуралдаанаар ипотекийн хөтөлбөр, энэ хүрээнд авч хэрэгжүүлж байгаа арга хэмжээний талаар хяналт шалгалт хийх ажлын хэсгийн хуралдааны дүнг танилцуулсан. Ажлын хэсэг Шадар сайдын тушаалаар байгуулагдаж, үндсэндээ 12 сар хүртэл ажилласан. Энэ хугацаанд ипотекийн хэрэгжилт хэр байна вэ, иргэдэд хүрч байгаа хүртээмж болон цаашид авч хэрэгжүүлэх арга хэмжээний талаар шалгалт явуулсан. Мөн ипотекийн зээлийн эргэн төлөлтөөс 170 тэрбум төгрөг асуудал яригдсан. СЗХ-ны удирдлагууд ипотекийн зээлийн санхүүжилтийн дүрэмд өөрчлөлт оруулж, хууль зөрчин зориулалт бусаар ашигласантай холбоотой асуудлыг танилцуулж, тус мөнгийг буцаан төвлөрүүлэх тухай тогтоолын төслийг танилцуулсан.
Энэ хугацаанд Монголбанкны Ерөнхийлөгч Лхагвасүрэнгээс эхлээд удирдах албан тушаалтнуудын оролцоотой ажлын хэсгийн дүгнэлт гарсан. Тус дүгнэлтэд өнгөрсөн хугацаанд гарсан зөрчлүүд багтахаас гадна
Нэгт. Иргэдээс ирсэн гомдол, санал хүсэлтийг оруулсан
Хоёрт. Ипотекийн зээлийг цаашид тогтвортой хэрэгжүүлэх, хүртээмжийг нэмэгдүүлэх, хүүг бууруулах, эргэн төлөлтийн хуваарийг иргэд ипотекийн кропораци хоорондоо тонхирч төлөх боломж олгох, урьдчилгаа төлбөрийг даатгалын сантай хамтарч хэрэгжүүлэх зэрэг олон асуудлууд орж байгаа.
Монгол банк 2023 оны 1 дүгээр сарын 1-нээс эхлэн ипотекийн зээлийн үйл ажиллагааг цаашид үргэлжлүүлэх боломжгүй гэдгээ илэрхийлсэн.
Харамсалтай нь Монголбанкны удирдлагууд ЗГ-ын хуралдаанд илэрхийлсэн байр суурь нь өмнөх Ажлын хэсгийн дүгнэлтэд нэгдсэн байр сууриа үгүйсгэж, тодорхойгүй байр суурь илэрхийлсэн учраас энэ асуудал хойшлогдож, хамтарсан санал дүгнэлтийг дахин ЗГ-т танилцуулах үүрэг даалгаврыг Ерөнхий сайд өгсөн.
