Шүгэл үлээгчийн эрх зүйн байдлын тухай хуулийн төсөл болон хамт өргөн мэдүүлсэн хуулийн төслүүд хэлэлцэх эсэх асуудлыг хэлэлцэж байна. Энэ хүрээнд гишүүд асуулт асууж, хариулт авч, өөрсдийн саналаа хэлж байна.
ХЗДХ-ийн Төрийн нарийн бичгийн дарга П.Сайнзориг “ Хуулийн төслийн 16-р зүйлд дараах тохиолдолд шүгэл үлээгч эрх бүхий байгууллагад мөнгөн урамшуулал авах хүсэлт гаргаж болно гэж байгаа. Нэгдүгээрт, авлигын эсрэг хуулийн 33.2-т заасны дагуу улсад хохирол учруулсан этгээдийн эд хөрөнгө орлогыг хураасан , мөн хуульд заасны дагуу зохих ял шийтгэл оногдуулсны дагуу төлөх ёстой байсан төлбөрийг улсын төсөвт төлүүлсэн гэдэг асуудал бүрдсэний дараа шүүхээс шалган шийдвэрлэх ажиллагаа явж эцэслэгдсэний дараа урамшуулал яригдана. Түүнээс биш нэгэнт эцэслэгдээгүй, гомдол мэдээллийг хэрэгсэхгүй болсон эсвэл буруугүй гэдгийг нь тогтоосон тохиолдолд энэ урамшууллыг олгохгүй” гэлээ.
Г.Бүжинлхам
