Шүгэл үлээгчийн эрх зүйн байдлын тухай хуулийн төсөл болон хамт өргөн мэдүүлсэн хуулийн төслүүд хэлэлцэх эсэх асуудлыг хэлэлцэж байна. Энэ хүрээнд гишүүд асуулт асууж, хариулт авч, өөрсдийн саналаа хэлж байна.
УИХ-ын гишүүн Ц.Туваан “ Би бол энэ хуулийг дэмжиж байгаа. Нийгмийг авлигагүй шударга болгоход энэ хууль заавал хэрэгжих ёстой. Олон улс ч гэсэн ийм жишгээр явдаг. Гэхдээ асуудлууд байгаа. Монголчууд бол нүүдэлчин цөөхүүлээ ард түмэн. Мэдээлэл бол аман байдлаар маш хурдан тардаг. Цөөхүүлээ учраас бие биенээ маш хурдан таньж мэдэж чадна. Ийм нөхцөлд мэдээлэл дамжих, нууцлах гэдэг талаас нь ярих нь зөв. Хууль хүчний байгууллагад өргөдөл өгөхөөр хувийн нууц хадгална гэдэг, гэтэл мөрдөн байцаалтын шатандаа ил болчихдог. Тэгээд үнэн зөв мэдээлэл өгсөн хүн хүний мууг үзэх гэсэн хүн болоод явдаг. Тиймээс энэ тал дээр хууль санаачилсан хүмүүс нь нэлээн сайн чамбай болгох нь зөв байх гэж үзэж байна” гэлээ.
Г.Бүжинлхам
