Украины Зэвсэгт хүчин ОХУ-ын Белгород мужид АНУ-аас нийлүүлсэн радарын эсрэг AGM-88 HARM маркийн пуужингаар анх удаа цохилт өгчээ.
Америкийн пуужингийн сүйрлийн тухай нутгийн оршин суугчдын авсан гэрэл зургуудаас AGM-88 HARM-ийн таних тэмдэг болох хөдөлгөөн тогтворжуулагчийн корпус дээрхи BSU-59/B тэмдэглэгээг харж болно гэж сувгийн зохиогчид тэмдэглэжээ.
Украйнаас Оросын бүс нутаг дээгүүр ганцхан өдрийн дотор 100 гаруй пуужин харважээ
Нийтдээ 10-р сарын 12-нд Украины Зэвсэгт хүчин Белгород мужийн нутаг дэвсгэр рүү 100 гаруй пуужин харважээ.
Зургаан сар орчмын хугацаанд Оросын хилийн бүс нутаг дэвсгэрт ийм хүчтэй халдлага гараагүй ажээ. Гэвч Оросын агаарын довтолгооноос хамгаалах систем бүх пуужингуудыг устгасан бөгөөд гэмтэж бэртсэн хүн байхгүй гэв.
Агаар-газар ангиллын HARM пуужингуудыг газар дээрхи төхөөрөмжөс харваж бас болно
Америкийн радарын эсрэг өндөр хурдны пуужин AGM-88 HARM /High-speed Anti-Radar Missile/-ын анхны хувилбар нь агаар-газар ангиллынх юм. Украины дөрөв дэх үеийн МиГ-29, Су-27 сөнөөгч онгоцнуудын нисгэгчид ийм пуужинг "Pre- Brief" горимд ашиглах боломжтой бөгөөд энэ нь тэдэнд мэдэгдэж буй координат бүхий радар руу 150 км хүртэлх зайд пуужин харвах боломжийг олгодог. "Pre- Brief" горим нь нисгэгчдийн хувьд хамгийн бага сургалт шаарддаг бөгөөд ихэвчлэн НАТО-гийн сөнөөгч онгоцонд ашиглагддаг, нарийн төвөгтэй тоног төхөөрөмж суурилуулах шаардлаггүй тул хамгийн хялбар гэж тооцогддог.
Харин Украины Зэвсэгт хүчинд байнгын пуужин тээгч F-16 болон F/A-18 сөнөөгч онгоцууд байхгүйн тул HARM-ыг газар дээрх төхөөрөмжөөс харваж байгаа нь тусгалын хүрээг эрс багасгахаас гадна пуужинг агаарын довтолгооноос хамгаалах системд хялбархан олз болгодог гэж «Российская газета» сонинд бичжээ.
Өмнө нь Америкийн эдгээр пуужингийн Украин дахь үр нөлөөг "тэг" гэж нэрлэдэг байв.
Учир нь Америкийн радарын эсрэг HARM пуужингууд Украины мөргөлдөөний үеэр ямар ч үр дүнгүй байсан гэж эх сурвалжаас иш татан РИА новости агентлаг мэдээлж байсан юм.
Өчигдөр буюу Пүрэв гарагт Украины зүгээс харвасан эдгээр пуужингийн ихэнхийг Оросын зенитийн пуужингийн системээр харваж, зарим хэсгийг нь агаарын довтолгооноос хамгаалах системийн радиоэлектрон төхөөрөмжийн тусламжтайгаар устгасан байна.
HARM пуужингийн үр ашиг бага байгаа нь тэдний дундаж дээд хурд секундэд 600м-ээс хэтрэхгүй байгаатай холбоотой гэж эх сурвалж тайлбарлав. Ийм шинж чанартай пуужингууд нь орчин үеийн Оросын агаарын довтолгооноос хамгаалах системийн хувьд асуудал биш юм.
Украины нисэх хүчин эдгээр пуужингуудыг алсын зайнаас ашигладаг бөгөөд энэ нь Оросын агаарын довтолгооноос хамгаалах зэвсэгт хүчин байрлаж буй газарт ойртохоос нь өмнө илрүүлэх боломжийг олгодог гэж тус агентлагийн ярилцагч онцолжээ.
Эх сурвалж: Лента.ру
