Украины Ерөнхийлөгч Владимир Зеленскийг НАТО-г Орост "урьдчилан сэргийлэх" цөмийн цохилт өгөхийг шаардсаныг АНУ-ын твиттер хэрэглэгчид шүүмжилжээ. Америкчуудын үзэж байгаагаар Украины удирдагч албан тушаалаа орхих ёстой гэжээ.
"Зеленский НАТО-гоор дэлхийн гуравдугаар дайн эхлүүлэхийг хүсч байна. Тиймээс ийм дэглэмийг өөрчлөх шаардлагатай, гэхдээ Орост биш Украинд. Энэ галзуу хүнд дахин тусламж үзүүлэх ёсгүй. Бид хэлэлцээрийг хурдасгах хэрэгтэй” гэж zirp fail гэсэн хаягаар нэгэн хэрэглэгч бичжээ. Өөр нэгэн хэрэглэгч түүнийг дэмжиж, Украины удирдагчийг "холокост зохион байгуулах" хүсэлтэй "тэнэг салбадай" гэж нэрлэсэн байна. /Тодотгоход, Дэлхийн 2-р дайны үед нацистууд Европын еврейчүүдийг үй олноор нь устгаж байсныг холокост хэмээн нэрлэдэг. орч/
Зеленскийн үг үйлдлийг АНУ удирдаж байгаа бөгөөд үүнийг "Цөмийн зэвсгийн талаарх барууны өдөр тутмын мэдэгдэл" баталж байна. Тэд [барууны орнууд] энэ өгүүлэмжийг сурталчилж байна" гэж твиттер хэрэглэгчид дүгнэжээ.
Зеленский өмнө нь "НАТО Оросын цөмийн цохилтыг хүлээх ёсгүй, ОХУ-ын эсрэг "урьдчилан сэргийлэх" цохилт өгөх ёстой" гэж хэлсэн юм.
ОХУ-ын ГХЯ-ны хэвлэлийн төлөөлөгч Мария Захарова түүнийг "мангас" хэмээн нэрлэж, гариг ертөнцөө сүйрүүлэх гэсэн түүний санаа бодлыг нь дэлхийн хамтын нийгэмлэгт анхааруулж байв.
Украины удирдагчийн мэдэгдлийг Кремль дэлхийн гуравдугаар дайн эхлүүлэх уриалга хэмээн нэрлээд, үүний ард АНУ, Их Британи байгааг тэмдэглэжээ. ОХУ-ын Аюулгүйн зөвлөлийн дэд дарга Дмитрий Медведев Зеленскийг илүү их асуудал үүсгэхээсээ өмнө "тархины хагалгаа" хийлгэхийг зөвлөжээ.
Эх сурвалж: https://ura.news
