Сангийн сайд Б.Жавхлан Улаанбаатар Дархан чиглэлийн авто замын хоёрдугаар багцын замын ажлын явцтай танилцлаа.
Хар модтын давааны араас Урьхан хүртэлх 45.5км замыг Азийн хөгжлийн банкны санхүүжилттэй Арж капитал компани, Европын сэргээн босголт, хөгжлийн банкны санхүүжилттэй Жунмэи групп компаниуд гүйцэтгэж байгаа. Одоогоор цемент хучилт хийгдсэн. Ажлын явц 70 гаруй хувьтай байна. Гэрээгээр бол 2023 оны есдүгээр сард бүрэн ашиглалтад өгөх ёстой юм.
Санхүүжилтийн хувьд ямар ч саадгүй гүйцэтгэлээр олгогдож байгаа талаар Сангийн сайд Б.Жавхлан мэдэгдлээ. Хил гаалийн нөхцөл байдлаас хамааралтай ажил удаашрах, саатаж байгаа асуудал байхгүй гэдгийг гүйцэтгэгч компаний удирдлагууд хэлжээ. Харин тулгарч байгаа бэрхшээл гэвэл цементийн хомсдол үүссэн аж. Гэхдээ гүйцэтгэгч компани Налайхаас цементээ авч хүндрэлийг шийдвэрлэж байгаа юм байна.
