Каспийн тэнгис дээгүүр нисч байх үеэрээ түгшүүрийн дохио өгсөн Грозный-Москва чиглэлийн Boeing 737 онгоц хөөрөх буудалдаа эсэн мэнд эргэж иржээ. Энэ тухай Чечений Бүгд Найрамдах Улсын тэргүүн Рамзан Кадыров Telegram хуудсандаа мэдэгдэв.
Урьд нь Telegram сувгуудаар Грозный-Москва чиглэлийн нислэгийн онгоц ослын дохио өгч, 3000 метрийн өндөр хүртэл доошилсон тухай өмнө нь мэдээлж байсан. Онгоц гэнэт эргэж, Flightradar газрын зургаас /нислэгийн радараас / хэсэг хугацаанд алга болжээ.
Агаарын хөлөгт тохиолдсон явдлыг Кадыровын хэлснээр тодруулбла, онгоцны бүхээг дэх даралтын индикатор идэвхжсэний улмаас нисгэгчид түгшүүрийн дохио өгч, онгоцыг эргүүлж Горзный руу буцаж нисжээ.
Чеченийн тэргүүн хэлэхдээ “Энэ үед Грозный нисэх онгоцны буудалд аврах албаны бүх алба хаагчид бэлэн байдалд" гэжээ.
Онгоц хэвийн газардсан бөгөөд багийнхан болон зорчигчид бэртэж гэмтээгүй. Түүнчлэн "нисгэгчид чадварлаг ажилласан" гэж Кадыров дүгнэв.
Эх сурвалж: АиФ болон News.ru
