Хойд Солонгосын Хөдөлмөрийн намын Төв хорооны тавдугаар өргөтгөсөн бүгд хурал Пхеьяан хотод эхэлсэн талаар тус улсын цахилгаан мэдээний төв агентлаг /KCNA/ мэдээлжээ.
Уг хуралд тус улсын удирдагч Ким Жөн Ун оролцож байгаа бөгөөд хурлын үеэр хэлэлцэх асуудлуудын талаар мэдээлээгүй байна. KCNA агентлаг "Хэд хэдэн чухал асуудлыг" хэлэлцсэн гэсэн ба "Манай аугаа эх орныхоо хөгжил цэцэглэлт, ард түмний сайн сайхны төлөөх түүхэн тэмцэлд оролцох чухал үүргээ бүрэн ухамсарласан нийт оролцогчид улс төрийн өндөр идэвх зүтгэлтэй байгаа энэ үед хэлэлцэх асуудлуудын хэлэлцүүлгийг эхлүүллээ" гэж мэдээлсэн байна.
Олон улсад БНАСАУ-ыг цөмийн туршилт шинээр явуулж магадгүй гэх болгоомжлол үүсээд байгаа юм энэ үед чухал ач холбогдолтой байж болох юм гэж Японы телевизийн “NHK” суваг онцлон тэмдэглэжээ.
БНАСАУ одоогоор зургаан удаа цөмийн туршилт явуулсан бөгөөд хамгийн сүүлд 2017 оны есдүгээр сард туршсан байна.