Засгийн газрын ээлжит хуралдаанаас гарсан боловсролын салбарын зарим шийдвэрийн талаар БШУ-ны сайд Л.Энх-Амгалан мэдээлж байна.
Хүүхдийн цэцэрлэгийн хүртээмжийг нэмэх асуудлаар тогтоол гаргалаа. Нийт 200 тэрбум төгрөгөөр нийслэлийн цэцэрлэгийн хүүхдүүдийн хамрагдалтыг нэмэгдүүлэхээр болсон. Хүүхдийг сугалаагаар цэцэрлэгт элсүүлэх болсон үндэслэл,
- Хамран сургах тойргийн хүүхдийн бүртгэл буруу
- Төлөвлөлт буруу
- Санхүүжилтийн механизм буруу
2022 оны 305 мянган хүүхэд байгаагаас 237 мянгаас 75,5 хувь нь цэцэрлэгт хамрагдаж байна 68557 хүүхэд хамрагдаж чадахгүй байна. Нийслэлд 2022-2023 2-5 насны 141 мянган хүүхэд 647 цэцэрлэгт нийт 104 мянган хүүхэд аваад 34485 гаруй хүүхэд сугалаагаар цэцэрлэгт хамрагдах эрсдэл үүсээд байна. Энэ намар сугалаа сугалах 2 настай 24 мянган хүүхдийн асуудлыг дараах байдлаар шийднэ.
1. Шинээр барих 20 цэцэрлэгт 3000 хүүхэд элсүүлнэ
2. Цэцэрлэг түрээсэлнэ. Өндөр ачаалалтай 26 байршилд түрээслэх байрны судалгааг хийж сонгон шалгаруулна. нэг давхрыг худалдаж авна.
3. Гэр цэцэрлэгүүдийг байгуулж ажиллуулна. 100 хүүхдийн цэцэрлэг барихад газрын үнээс гадна 1,8 тэрбум төгрөгрөөр гурван жил барьдаг. 100 хүүхдийн багтаамжтай Цомцог гэр цэцэрлэгийг 300 саяар барих тооцоололтой байна.
4. Байгууллагын цэцэрлэгийг хувьсах зардлаар дэмжих.
5. Хамран сургах тойргийг шинэчлэх буюу төрийн өмчит цэцэрлэгийн багтаамжаар тооцоолдог байсныг өөрчилж, шинэ төлөвлөлт гаргана. Хамран сургах тойрог дээр байгаа төр болон хувийн хэвшлийн багтаамжийг төлөвлөнө.
Ингэснээр ирэх намар гэхэд 34485 хүүхдийг цэцэрлэгт сугалаагүй элсэх боломжийг нээж байна гэж ойлгож болно. Гэхдээ бидэнд 1000 багш нэмж бэлдэх шаардлагатай. Төгсөх ангийн цэцэрлэгийн багш хүүхдүүдийг ажиллангаа кредитээ бодуулаад төгсөх боломжийг олгоно.
