2022-2023 оны хичээлийн шинэ жилд цэцэрлэгт шинээр элсэх хүүхдүүдийг сугалааны аргаар бус, бүгдийг нь хамруулахаар хэд хэдэн ажил төлөвлөж буй талаар өнөөдөр салбарын сайд Л.Энх-Амгалан мэдээлсэн.
- Улсын болон нийслэлийн хөрөнгө оруулалтаар энэ жил шинээр барих 20 цэцэрлэгт 3000 хүүхэд элсүүлнэ
- Цэцэрлэг түрээсэлнэ. Өндөр ачаалалтай 26 байршилд түрээслэх байрны судалгааг хийж сонгон шалгаруулна. Мөн орон сууцны нэг давхрыг худалдаж авна.
- Гэр цэцэрлэгүүдийг байгуулж ажиллуулна. 100 хүүхдийн цэцэрлэг барихад газрын үнээс гадна 1,8 тэрбум төгрөгрөөр гурван жил барьдаг. 100 хүүхдийн багтаамжтай Цомцог гэр цэцэрлэгийг 300 саяар барих тооцоололтой байна.
- Байгууллагын цэцэрлэгийг хувьсах зардлаар дэмжинэ.
- Цэцэрлэгийн хүүхдүүдийн 30-40 хувь нь өөр харьяаны хүүхдүүд байдаг. Тиймээс хамран сургах тойргийг шинэчлэх буюу төрийн өмчит цэцэрлэгийн багтаамжаар тооцоолдог байсныг өөрчилж, шинэ төлөвлөлт гаргана.
Дээрх өөрчлөлтийг хийхэд нэмж цэцэрлэгийн 1000 гаруй багш шаардлагатай байгаа ба их, дээд сургуулийн цэцэрлэгийн багшийн мэргэжлээр суралцаж буй төгсөх ангийн оюутнуудыг богино хугацааны сургалтад хамруулах, ажиллангаа кредитээ тооцуулах боломжоор хангаж, ирэх намар гэхэд ажлын байрандаа бэлэн байх нөхцөлийг бүрдүүлэх юм байна.
