Чуулганы нэгдсэн хуралдаан үргэлжилж байна. Засгийн газраас өргөн мэдүүлсэн "Өрийн удирдлагын тухай анхдагч хууль"-ийг 2015 онд анх баталж байсан. Ингэснээр Засгийн газрын өрийн удирдлагын дунд хугацааны стратегийн баримт бичгийг гурван жилд нэг удаа баталдаг болсон. Энэ дагуу өрийн удирдлагын тайланг УИХ-д тайлагнадаг. Энэ талаар УИХ-ын дарга Г.Занданшатар дараах зүйлийг хэллээ.
Тэрбээр, "Гурван жилд тутамд баталж ирсэн боловч энэ удаагийн бүрэн эрхийн хугацаандаа бид анх удаа бөгөөд сүүлийн удаа баталж байна. Өрийн асуудлын хувьд харанга дэлдэж байна. Тиймээс анхаарлаа сайтар хандуулах нь зүйтэй. Монгол Улсын өрийн хэмжээ өнөөгийн ханшаар 50,7 хувьд хүргэн үе шаттайгаар бууруулж чадсан. Гэвч Монгол Улсын нийт гадаад өрийн хэмжээ ДНБ-ны 220 хувьтай тэнцэх хэмжээнд байгаа нь өрийн асуудал бол эмзэг хэвээрээ байна. Ингэж аюулын харанга дэгдэж байгаа нь хэд хэдэн шалтгаантай. Үүнд:
- Нэгдүгээрт, Төсвийн хүрээний мэдэгдэлтэй төсвийн алдагдал, төсвийн төлөөлөлтэй хамтарч батлахдаа халамжийг хавтгайруулах биш зорилтот бүлэгт хүргэж, төсвийн алдагдлыг бууруулж, өрөө бууруулахад чиглэх ёстой.
- Хоёрдугаарт, Зээлийн өрийн ашиглалтын тайланг хянадаг, үнэлдэг байх ёстой. 1990 оноос хойш манай улс 24 зээлдүүлэгчээс санхүүжилт авч, 306 төсөл хөтөлбөрийг хэрэгжүүлсэн байдаг. Одоо хөнгөлөлттэй зээлийн үлдэгдэл 5,8 долларт хүрсэн. Иймээс цаашид эдийн засгийн үр өгөөжгүй төсөл хөтөлбөрийг гадаадын зээлийн санхүүжилтээр санхүүжүүлэхээс татгалзах цаг болсон. Бондыг бондоор, өрийг өрөөр төлөөд цасан бөмбөг шиг өр нэмэгдээд байна. Гэтэл зээл авсан бол зарцуулагдах зүйлдээ зарцуулагдаад, үр ашгаа өгөөд, өрөө эргэн төлдөг байх ёстой" гэлээ.