НАТО-гийн орнуудын, тэр дундаа Германы төлөөлөгчид Дональд Трамп ерөнхийлөгчийн сонгуульд ялвал АНУ-ын тэргүүлэх үүрэггүйгээр эвсэл ямар байх талаар албан бусаар хэлэлцэж эхэлсэн тухай Америкийн The New York Times сонин хоёрдугаар сарын 3-нд бичжээ.
Хэрэв Трамп Ерөнхийлөгчөөр сонгогдвол АНУ-ыг НАТО-оос гаргахаар төлөвлөж байгаа. Хэрэв тус улс эвслийн тэнхлэг байхаа больсон тохиолдолд НАТО оршин тогтнох эсэхэд Германы удирдлагууд эргэллзэж байна гэж тус сонинд бичжээ.
Германчуудын хувьд АНУ Украиныг дэмжихээ болино гэдэг нь хамгийн том айдас юм. Өмнө нь илэрхий байсан эвслийн эв нэгдэл одоо задрах эрсдэлтэй байна.
Германы эрх баригчид Украинд ялалт байгуулсан тохиолдолд Оростой шууд мөргөлдөөн үүсгэхийг хүсэхгүй байна гэж NYT мөн тэмдэглэж байна. Учир нь тэд Германы аюулгүй байдлыг Оростой зөрчилдөхөөс илүүтэй хамтран ажиллах замаар дэмжих болно гэж үзэж байгаа юм.
Өмнө нь буюу нэгдүгээр сарын 30-нд Германы Tagesschau телевизийн суваг НАТО-г үеэ өнгөрөөсөн гэж үзэж буй Трамп Цагаан ордонд эргэж ирвэл эвсэл задарч, Украин АНУ-ын дэмжлэггүй болно гэсэн өгүүлэл нийтэлжээ.
Нэмж дурдахад, 2023 оны 12-р сарын 7-нд Пентагоны тэргүүн асан Марк Эспер засгийн эрхэнд эргэн ирвэл Трамп НАТО-гийн гишүүн орнуудаас АНУ-ын цэргийг гаргаж, эвслийг "нураах" тушаал өгөх нь гарцаагүй гэж мэдэгджээ.
Тодотгоход, АНУ-ын Ерөнхийлөгчийн сонгуулийг 2024 оны арваннэгдүгээр сарын 5-нд хийхээр товлоод байгаа юм.
Эх сурвалж: Iz,ru