Сар шинийн баярт зориулж аймаг болгон үндэсний бөхийн барилдаан зохион байгуулж байгаа билээ. Энэ амралтын өдрүүдэд Хэнтий аймгийн бөхчүүдийн барилдаан аймагтаа болжээ. Энэ үеэр улсын аварга Э.Оюунболд барилдаан үзэхээр очжээ.
Түүний хувьд сэргээшийн асуудлаас болж эрхээ хасуулж, барилдахгүй байгаа юм. Бөхийн өргөөнд болон заал танхимын барилдаанд барилдахгүй байгаа аваргыгаа харсан хүмүүс ихэд баярлажээ. Хүн болгон аваргатай гар барьж, хамт зургаа авахуулахаар шавжээ. Энэ үеэр улсын аварга Э.Оюунболд "Манай нутгийн зон олон спорт хорооноос цагаан сарын барилдаанд ирээчээ гэсэн хүсэлт тавьсан. Төрсөн нутагтаа ирэх сайхан байна. Хэдий цас зудтай байгаа ч нутгийн ард түмэн уламжлалт баярынхаа барилдааныг үзэж амар тайван амгалан сайхан харагдана.
Бөхчүүдийн бэлтгэл сургуулилалт цөмөрсөн маягтай байна. Гэхдээ бэлтгэл сургуулилалт сайхан байна. Би барилдах эрхээ хасуулахаас өмнө байнга ирдэг байсан. Барилдах эрхээ хасуулаад 5 жил болжээ.
Намайг дэмждэг ард түмнээ хараад үнэхээр огшиж байна. Намайг хайрладаг Хэнтий нутгийн ард түмэн үнэхээр халх даяараа хайрлаж хүндэлдэг юм байна. Таван жилийн хугацаанд итгэлгүй болчихсон байсан. Хэнтий хаан заяатай ард түмэн үнэхээр гайхалтай сайхан хүлээж авлаа. Хоёр жил дараалаад манай аймагт зуд болчихлоо. Бөх нь барилдахгүй болохоор ингэдэг юм болов уу. Удахгүй өнтэй сайхан өвөл жил болох байхаа" гэж сэтгэгдлээ илэрхийлжээ.