Өчигдөр буюу энэ сарын 24-нд Белгород мужид сүйрсэн ОХУ-ын Ил-76 цэргийн тээврийн онгоцны амь үрэгдсэн багийн гишүүдийн жагсаалтыг Оренбург мужийн захирагч, засгийн газрын алба Telegram сувагт нийтэлжээ.
Ослын хохирогчдын дунд онгоцны дарга Беззубкин,хоёрдугаар нисэгч Чмирев, штурман Высокин, борт инженер Пилуев, нисэх инженер Житенев, нислэгийн радио оператор Саблинский нар байна.
Онгоц сүйрсэн нь нэгдүгээр сарын 24-нд тодорхой болсон. Энэ үйл явдлыг ОХУ-ын Батлан хамгаалах яам баталсан байна. Тусяамны мэдээлснээр онгоцонд багийн зургаан гишүүн, Украины Зэвсэгт хүчний олзлогдсон 65 цэрэг, мөн дагалдан яваа гурван хүн байжээ. Укоаины олзныхныг солилцохоор тээвэрлэж явсан аж.
Төрийн Думын депутат Андрей Картаполовын хэлснээр, Украин улс Ил-76 онгоцыг Патриот буюу IRIS-T зенитийн пуужингийн системээс гурван пуужингаар харвасан байна.
Харин Украины Еоөнхийлөгч В.Зеленский хэлэхдээ "Украины тал энэ үйл явдлын талаар олон улсын мөрдөн байцаалт явуулахыг шаардах болно" гээд "Оросууд Украины олзлогдсон цэргүүдийн амьдрал, төрөл төрөгсдийнх нь мэдрэмж, манай нийгмийн сэтгэл хөдлөлөөр тоглож байгаа нь илт байна" гэж ерөнхийлөгч хэлэв.
Эх сурвалж: ВВС