Нэгдүгээр сарын 15-ны даваа гарагт Японы тэнгэрт тод "галт бөмбөлөг" гарч иржээ. Орон нутгийн оршин суугчид хийсэн дүрс бичлэгээ олон нийтийн сүлжээгээр хуваалцаж эхэлсэн байна.
Уг объектын тэнгэрт нисч буйг дүрсийг тус улсын зүүн болон зүүн хойд хэсгээр голчлон авчээ.
Нийгмийн "Х" сүлжээнд нийтэлсэн бичлэгт тэнгэрийг зүсэх мэт нисэж буй хурц гэрэл харагдаж байна. Бөмбөлөг тэнгэрт нисч, харин ард нь нисэх онгоцных мэт цагаан мөр үлдээж буй нь бичлэгээс харагдаж байна. Канагава мужийн Хирацука хотын орон нутаг судлах музейн эрхлэгчийн мэдээлснээр Сагами булангаас Нагано муж руу нисч буй объектын хурд секундэд 42.4 километр байжээ.
"Мөн хэдхэн минутын дараа зарим газарт дэлбэрэлттэй төстэй чимээ сонсогдсон нь солир унасан байж магадгүй" гэж тэр дурджээ.
Дашрамд сонирхуулахад 2023 оны 5-р сард Их Британийн одон орон судлаачид ажиглалтын түүхэн дэх хамгийн том сансрын дэлбэрэлтийг мэдээлэв. Энэ нь нарны аймгийн хэмжээнээс 100 дахин том байсан хэмээн мэдээлж байв.
Эх сурвалж: Vm.ru