Францын Ерөнхий сайд Габриэль Аттал өөрийн хамтрагч буюу нөхөр болох Стефан Сежурныг Гадаад хэргийн сайдаар томилсон бөгөөд тэрээр энэ үүргийг хашиж буй анхны ижил хүйстэн Гадаад хэргийн сайд болж байна.
Макрон Атталыг Борныг Францын Ерөнхий сайдаар томилсноор тэрээр Францын түүхэн дэх хамгийн залуу төдийгүй анхны ижил хүйстэн Ерөнхий сайд болсон юм. Тэрээр өмнө нь Боловсролын сайдаар ажиллаж байсан. Аттал 2018 онд Макроны намын хэвлэлийн төлөөлөгчөөр 10 сар ажилласан бөгөөд 2018 онд тэр үеийн Ерөнхийлөгчийн сонгуульд нэр дэвшигчийг дэмжихээр Социалист намаас гарч байжээ.
Аттал, Сежурн нар 2017 онд өөрсдийн харилцаагаа албан ёсоор зарласан. Эдийн засгийн сайд Брюно Ле Мэр, Дотоод хэргийн сайд Жеральд Дарманен, Хууль зүйн сайд Эрик Дюпон-Моретти, Батлан хамгаалахын сайд Себастьян Лекорню нар албан тушаалаа үргэлжлүүлэн хашихаар болсон бол зарим албанд шинэ хүмүүс томилогдсон байна. Тухайлбал, Приска Тевенот засгийн газрын хэвлэлийн төлөөлөгчөөр томилогдож, Оливье Вераны халааг авна. Мөн 2023 оны Эрүүл мэндийн сайд Орельян Руссо цагаачлалын тухай хуулийг эсэргүүцэн огцрох үед томилогдсон Аньес Фирмен-Ле Бодогийн оронд Катрин Вотрен ажиллахаар болжээ. Соёлын сайдаар Рашида Дати томилогдсон бол Марк Фесно Хөдөө аж ахуйн сайдын албан тушаалдаа хэвээр үлджээ. Амели Удеа-Кастера Спортын сайдын үүргийг гүйцэтгэхээс гадна Боловсролын яамыг удирдана.