Хойд Солонгос саяхан Орост баллистик пуужин харвах төхөөрөмж болон хэд хэдэн пуужин нийлүүлсэн бөгөөд үүнийг Оросын цэргүүд Украин руу хэдийнэ харвасан гэж Цагаан ордон мэдэгдэв.
АНУ-ын Үндэсний аюулгүй байдлын зөвлөлийн стратегийн харилцаа холбооны зохицуулагч Жон Кирби хэлэхдээ, АНУ НҮБ-ын Аюулгүйн зөвлөлд энэ асуудлыг хөндөж тавина гэжээ.
Тэрээр "Оросын арми Умард Солонгосын эдгээр баллистик пуужингийн наанадаж нэгийг нь Украин руу харвасан" гэж хэлээд, энэ нь ил задгай газар унасан бололтой гэж тодотгожээ.
Кирби “Энэ бол Хойд Солонгосын Орост үзүүлж буй дэмжлэг бөгөөд сэтгэл түгшээсэн явдал юм. Тэрээр мөн Иран Орост ойрын тусгалтай баллистик пуужин нийлүүлээгүй ч Москва Тегеранаас пуужингийн систем худалдаж авах бодолтой байна гэж Вашингтон үзэж байна гэжээ.
Энэ явдлыг Их Британи мөн буруушааж байгаа бөгөөд тус улсын Гадаад хэргийн яамны төлөөлөгч мэдэгдэлдээ “Бид Хойд Солонгосыг Орост зэвсэг нийлүүлэхээ зогсоохыг уриалж байна.
Цагаан ордон хэдийгээр ингэж мэдэгдэж байгаа ч ОХУ-ын арми Хойд Солонгосын пуужин ашигласан гэх мэдээллийг Украин хараахан нотлоогүй байна.
Эх с урвалж: ВВС