Нострадамус: 2024 онд Их Британийн хаан Чарльзыг хаан ширээнээс нь огцруулна
Нострадамус бусад жилүүдийн нэгэн адил 2024 оныг хүн төрөлхтөнд зориулж ямар нэгэн онцгой зүйлийг урьдчилан таамаглаагүй гэж олон шинжээчид үзэж байна.
Францын эм зүйч, алхимич Нострадамус болзолт таамаглал дэвшүүлсэн бөгөөд үүнд нь олон хүн эргэлзэж, итгэсээр ирсэн. Үүнийг postdiction гэж нэрлэдэг. Энэ бол урьдчилан таамаглаж байсан зүйлтэй тохирч байгаа нөхцөл байдлыг илэрхийлсэн нэршил юм. Тухайлбал, үзмэрч Гитлерийн эрх мэдэлд хүрэх тухай дараах зүйлийг хэлсэн байдаг: “Баруун Европын гүнд ядуу ардаас хүүхэд төрж, Их армийг хэл амаараа татна, Түүний алдар Дорнодын хаант улс хүртэл түгэх болно” гэж таамаглаж бичжээ. Энэ нь Гитлерийн тухай болохыг хожим нь түүнийг түүхийн тавцанд гарч ирэх үед л тогтоосон байдаг. Үнэн хэрэгтээ үзмэрч зөвхөн алдартай хүний дүр төрхийг урьдчилан таамаглаж байсан бөгөөд энэ нь өөрөө ямар ч тусгай ур чадвар, чадвар, бэлэг шаарддаггүй.
Тиймээс Нострадамусын зөгнөлүүд өнөөдөр маш ерөнхий харагддаг бөгөөд таамаглал нь юу гэж тайлбарлахаас шууд хамаардаг. Нострадамус 2023 онд тэнгэрийн биет унаж Букингемийн ордон галд шатах болно гэж таамагласан. Бидний мэдэж байгаагаар ийм зүйл болоогүй.
Харин 2024 онд Нострадамус Их Британийн хаан Чарльзыг хаан ширээнээс нь огцруулна, тэр байтугай дараагийн хаан "дэлхийг удаан хугацаанд тайвшруулна" гэж таамаглажээ. Ямар ч байсан 16-р зуунд Нострадамус 2024 оныг III Чарльз хаанд хатуухан жил болно гэж таамаглажээ.
Нэмж дурдахад, Нострадамусын 2024 оны зөгнөлд Хойд Атлантын холбоо буюу НАТО Хятадын хоорондын дайны тухай сэрэмжлүүлэг орсон гэж таамаглаж байна. Үүнийг үзмэрчийн "Улаан дайсан их далайгаас айсандаа царай нь цонхийх болно" гэсэн бичвэрээс үндэслэн ийн тайлбарлаж байгаа ажээ.
Нострадамус 1999 онд дэлхийн сүйрлийг зөгнөж байсан ч хүн төрөлхтөн, соёл иргэншил өнөөг хүртэл оршсоор байгааг дурдах нь зүйтэй болов уу.
Ванга: Орос, Хятад, Энэтхэг гэсэн "гурван аварга" нэгдэж магадгүй гэж зөгнөжээ
Бага наснаасаа хараагүй болж, амьдралынхаа ихэнх хугацааг Болгар, Грек, Хойд Македонийн хил дээр өнгөрөөсөн Болгарын үзмэрч Вангелия Димитрова хар салхинд өртөж, улмаар тахир дутуу болсны дараа зөн билгийн бэлгийг хүлээн авчээ. Түүний үйлчлүүлэгчид нь Болгарын хаан Борис, ЗХУ-ын КН-ын Ерөнхий нарийн бичгийн дарга Леонид Брежнев нар байсан бөгөөд Гитлер бас түүн дээр ирж байжээ.
Вангаг ирээдүйг зөв харж чаддаг гэж үздэг байв. Тэрээр 5079 онд дэлхийн төгсгөл болно гэж таамагласан. Үүнээс гадна түүнийг Диана гүнжийн үхэл, Оросын "Курск" шумбагч онгоцны эмгэнэлт явдал, 9-р сарын 11-нд АНУ-д болсон террорист халдлага гэх мэтийг урьдчилан харсан гэлцдэг.
Болгарын "Стандарт" сонинд Вангагийн 2024 оны таамагыг нийтэлжээ. Тэнд дурдснаар бол Орос, Хятад, Энэтхэг гэсэн "гурван аварга" нэгдэж магадгүй юм. Нийтлэлд дэлхийг "хүчирхэг луу" эзлэн авч, 100 ба 5 гэсэн тоо агуулсан "улаан мөнгө" гарч ирэх тухай өгүүлдэг. Гэсэн хэдий ч Болгарын сэтгүүлчдийн тэмдэглэснээр энэ мессежийн утга нь тодорхойгүй хэвээр байна.
Мөн 2024 онд Ванга дэлхийн мөргөлдөөн гарах магадлал өндөр, үүнээс болж дэлхийн хүн ам буурч магадгүй гэж таамаглаж байсан гэж тус сонинд бичжээ. Энэхүү мөргөлдөөнийг "түүхэн дэх хамгийн чухал" гэж нэрлэжээ.
Нэмж дурдахад, Ванга 2024 онд ноцтой сүйрэл, амь насаа алдахад хүргэж болзошгүй олон хар салхи, үер болно гэж таамаглаж байсан гэж хэвлэлд бичжээ.
Түүнчлэн Америкийн Нью- Йорк Пост сонин зөн билэгтний дэлхийн төгсгөл хүртэлх жил бүр, тэр дундаа 2024 оны урьдчилсан таамгийг гаргажээ. Түүний ирэх жилийн гол таамаглалуудын дунд тойрон хүрээлэгчдийн хэн нэг нь Путиныг хөнөөх тухай, дэлхийн геополитикийн хүрээнд эрх мэдлийг баруунаас зүүн тийш шилжүүлэх, уур амьсгалын өөрчлөлтөөс үүдэлтэй асар том байгалийн гамшиг зэрэг багтаж байна.
Хүн төрөлхтөн удахгүй хорт хавдар, Альцгеймерийн өвчнийг эмчлэх эм зохион бүтээж, хиймэл оюун ухааныг идэвхтэй ашиглаж, ердийнхөөс хамаагүй илүү ажиллах квант компьютер бүтээх болно. Үнэн бол эндээс логик асуулт гарч ирж байна. Өнгөрсөн зууны эхээр төрсөн тосгоны боловсрол муутай эмэгтэй хожим эрдэмтдийн хийх нээлтийг хэрхэн томъёолж чадах вэ?
Ванга 2023 онд хүн төрөлхтөнд цөмийн гамшиг тохиолдох болно гэж таамаглаж байсан. Бурханд талархахад, бидний мэдэж байгаагаар ийм зүйл болоогүй.
Хятадын нууцлаг мэргэ төлөгч: НАТО-гийн гишүүн улсын удирдагчийн амь насанд халданаИх Британийн хатан хаан II Елизаветаг нас барахаас хэдэн жилийн өмнө хэн болох нь тодорхойгүй Хятадын үзмэрч түүний нас барах огноог яг нэрлэжээ. Түүгээр ч барахгүй тэрээр үүн дээрээ бооцоо тавьж, улмаар 840 мянган долларын ашиг олсон байдаг. Тэрээр хожсон мөнгөө криптовалютаар авсан. Тэр хүн яаж ямар ч алдаа мадаггүй хэлж чадсаныг өнөөг хүртэл хэн ч ойлгоогүй байна. Тэр үл мэдэгдэх зөнч Турк руу очиж 2025 он хүртэлх үйл явдлын зөн таамаглалаараа хэбукмекерийн оффис дээр дахин бооцоо тавьсан нь мэдэгдэж байна. Түүний таамаглаж буйгаар 2024 онд цөмийн зэвсэг буюу "бохир бөмбөг" гэгдэх зэвсгийг хэрэглэх болно гэж "Limon" сонинд бичжээ.
Түүнчлэн 2024 он дуусахаас өмнө НАТО-гийн гишүүн улсын удирдагчийн амь насанд халдах, амь насаа алдах тохиолдол гарч болзошгүй гэж тэрээр үзэж байна.
Хятадын зөнч 2023 оны аравдугаар сарын 1-нээс өмнө дэлхийн хэмжээнд зорчигч тээврийн онгоц сүйрнэ гэж таамагласан ч хэрэв саяханы Японд болсон онгоцны ослыг үүнд хамааруулан үзвэл цаг хугацааныы хувьд зөрсөн харагдаж байна.
Дэлхийн өнцөг булан бүрээс ирсэн бусад үзмэрчүүд хятадын үзмэрчийг дуурайж, букмекерийн бооцоо тавьж эхлэв. Тэдний олонх нь Украиныг 2024 онд хурдан ялна гэж зөгнөж байгаа ч зарим нэг нь энэ дайн "царцана" гэдэгт итгэж байгаа аж.
Эх сурвалж: weekend.rambler.ru. iz.ru. informator.ua/ru