Өчигдөр буюу 12-р сарын 14-нд Оросын ерөнхийлөгч Владимир Путины 19 дэх "шууд шугам" буюу шууд ярилцлага болж иргэдийнхээ асуултад хариулав. Путины шууд ярилцлага 4 цаг 4 минут үргэлжилж үеэр Ерөнхийлөгч 67 асуултад хариулсан байна.
Владимир Путинтэй "шууд ярилцах шугам” анх 2001 оны 12-р сард эфирээр цацагдсан бөгөөд Ерөнхийлөгчийн ард түмэнтэйгээ харилцах энэхүү хэлбэр түүнээс хойш уламжлал болон тогтсон юм.
Путин Украинд халдан довтолж эхэлснээс хойш анх удаа шууд ярилцаж байгаа нь энэ юм. Дөрвөн цаг үргэлжилсэн энэхүү ярилцлагын үеэр түүний хийсэн гол мэдэгдэл, мэдээллийг ВВС болон Vm.ru сайтын мэдээллийн эх сурвалжаас түүвэрлэн хүргэж байна.
- Дайчилгааны шинэ давалгаа хараахан төлөвлөөгүй байна;
- Орос Украиныг "денациацилах, цэрэггүйжүүлэх" зорилгодоо хүрэх үед дайн дуусна. (ВВС үүнийг Путин энх тайван тогтоохнод бэлэн биш бөгөөд дайныг үргэлжлүүлэх бодолтой байна гэж тодотгов);
— Хувийн цэргийн компаниудын хөлсний цэргүүд жирийн цэргийн албан хаагчидтай адил хөнгөлөлт эдлэх ёстой;
- Путины хэлснээр Оросын фронт дахь нөхцөл байдал, байр суурь сайжирч байна;
- Орос Европ руу хий нийлүүлэх болно;
— Зүүн Иерусалимд нийслэлтэй Палестин улс байгуулах замаар Ойрхи Дорнодын мөргөлдөөнийг шийдвэрлэх ёстой;
- Үр хөндөлтийг хэн ч хориглодоггүй, "эмэгтэйчүүдийн эрх, эрх чөлөөг дээдлэх ёстой". ОХУ-д үр хөндөлтийг хуулиар хориглох төлөвлөгөө тодорхой болоогүй байна. Гэсэн хэдий ч Путин уламжлалт үнэт зүйлдээ хүндэтгэлтэй хандахыг уриалж, тэдний нэг нь өнөр өтгөн гэр бүл юм гэдгийг тодотгов;
— Өндөгний үнэ нэмэгдсэнд Путин уучлалт гуйж үүнийг Засгийн газрын бүтэлгүй ажил болон оросуудын орлого нэмэгдсэнтэй холбон тайлбарлав.
- Орос улсад "Түүхийн сурах бичгийн улсын хувилбар" хэрэгтэй бөгөөд үүнийг хүн бүрт хүртээмжтэй болгох ёстой. Түүхийн "хэцүү үеүүдэд зөөлөн хандлага" шаардлагатай;
-Москва бол дэлхийн хамгийн шилдэг мега хотуудын нэг юм. Энэ бол маргашгүй" гэж төрийн тэргүүн хэлэв.
- Өндөгний хомсдол, Украинаас ирж буй шилжилт хөдөлгөөнөөс болж улаанбурхан өвчний тохиолдол нэмэгдэж байна.
- Белгород мужийн бүс нутагт эдийн засгийн тусгай бүс байгуулах ёстой;
— Путин Орост эзлэгдсэн Украины нутаг дэвсгэрт жил бүр 1 их наяд гаруй рублийн хөрөнгө оруулалт хийнэ гэж амласан. Үүний зэрэгцээ тэрээр эдгээр нутаг дэвсгэрийн эдийн засгийг сэргээх талаар ярьсан.
Үүнээс гадна Владимир Путин Украинд Орос улс гарцаагүй ялалт байгуулна гэж мэдэгджээ. Эдгээр газар нутаг дээр амьдарч буй ард түмэн өнгөрсөн жилүүдэд маш их хохирол амссан учраас ялалтаас өөр зүйл ярих шаардлагагүй гэдгийг тэрээр дурсав.
Эх сурвалж: ВВС. Вечерняя Москва