"Нүүрсний гэрээг Хятадуудтай хямдхан хийж, дундаас нь зөрүү гаргаж, эрх мэдэлтнүүд
өөрсдийн хувиа авдаг жишиг нэгэнт тогтсон. Түүнийг нь УИХ-ын гишүүд сайд нарын өмнөөс
гүйцэтгэдэг хүмүүс байдгийн нэг нь нүүрсний хулгайн хэргээр шалгагдаж байхдаа гадаадад
оргон зайлсан Д. Наранхүү юм. Тэрээр нүүрсний үнийн зөрүүг Хятадад очиж авдаг. Д.Наранхүү нь УИХ-ын гишүүн Ш. Раднаасэдийн хамаарал бүхий этгээд юм. Түүнийг Засгийн
Газрын таван Ш ажиллагааны хүрээнд авчрахаар болсон. Д. Наранхүү нь зүсээ хувиргахын
тулд нүүрний мэс засалд орж, хавиргаа авахуулж өөхөө соруулсан" тухай мэдээлэл олны
дунд тархаад байгаа. Өнгөрсөн шөнө Замын-Үүд Эрээний боомтоор нэр дурдагдаад буй
Д.Наранхүүг Монголд авчирч, АТГ-д хүлээлгэн өгөөд байгаа юм. Тэгвэл түүний ард УИХ-ын
гишүүн Ш.Раднаасэд байгаа мэдээллийн дагуу өөрөөс нь тодруулга авлаа. Тэрбээр "Ямар
учиртай ийм мэдээлэл гараад байгааг мэдэхгүй юм. Надад Д.Наранхүү гэдэг ямар ч туслах,
хамтарч ажиллаж байсан хүн байхгүй" гэлээ.
