Ардчилсан эмэгтэйчүүд холбооны шинэхэн Ерөнхийлөгч Б.Жаргалан Эдийн засгийн сайд асан “Фортуна” Н.Батбаярын охин.
Түүний аав Н.Батбаяр 2012 онд Эдийн засгийн сайд болсноос хойш улсын эдийн засаг -2 хувь болж, даруй 14 хувиар буурч байв. Бондын мөнгийг олон тэрбумаар халаасалсан, албан тушаалаа урвуулан ашигласан хэргээр 2016 оноос хойш АТГ-аас салаагүй тэрээр өөрийн улс төрийн замналаа охиноороо үргэлжлүүлэх гэв үү...
Улсын мөнгийг халаасалсан асуудлаар эрүүгийн хэрэгт холбогдож, улс төрийн карьер нь дууссан Н.Батбаяр охиноо улс төрд шургуулахаар дэнчин мөнгийг нь хангалттай өгдөг хэмээн шивэр авир хийх хүмүүс олон. Тиймдээ ч 2020 онд Архангай аймагт өөрийн охиноо хүч үзүүлэхээр 100 сая төгрөгийн дэнчин тавьж байсан гэдэг.
Энэ удаагийн Ардчилсан эмэгтэйчүүдийн холбооны Ерөнхийлөгчид нэр дэвшсэн долоон гишүүн 60 гаруй сая төгрөгийн дэнчин тавьсан. Ширүүн өрсөлдөөнөөс шөвгөрч гарсан Б.Жаргалан аавынхаа шийрийг хатаах уу эсвэл салан задгай байгаа Ардчилсан намаа нэгтгэж ирэх жилийн сонгуульд хүчтэй өрсөлдлөгч болох уу гэдгийг намын гишүүд нүд салгалгүй ажиглаж байгаа биз ээ.
Эх сурвалж: Mass.mn
