АНУ-ын агуй судлаач Марк Дики Турк улсын гурав дахь гүн агуйд гацсан дуудлага есдүгээр сарын 2-ны өдөр онцгой байдлын албанд иржээ. Дуудлага өгөх үеэр агуй судлаач хэвлий хэсэгт нь хүндээр өвдөж дотуур цус алдаж байгаагаа хэлсэн байна. Америкийн агуй судлаачийг газрын гадаргуугаас 180 км-ын гүн агуйн хэсгээс аврахын тулд Америк, Унгар, Польш, Румын, Украин, Турк зэрэг улсуудын 200 орчим аврагч арав орчим хоногийн турш ажиллаж даваагаас мягмар гарагт шилжих шөнө дундын үед эсэн мэнд аварч чаджээ. Аврах ажиллагааны дараа агуй судлаачийг нисдэг тэргээр Мерсин эмнэлэгт хүргэсэн байна.
Марк Дики агуйгаас аврагдсаныхаа дараа аврах ажиллагааг амжилттай зохион байгуулсан Туркийн Засгийн газар, ажиллагаанд оролцсон бүх аврагчдад гүн талархал илэрхийлжээ. Туркийн гурав дахь гүн гэж үздэг Морка агуй нь 1,3 км орчим гүн ажээ. Дики 1990-ээд оноос хойш агуй судалж эхэлсэн бөгөөд Америкийн 20 гаруй муж, дэлхийн 10 гаруй улсад агуйн судалгаа хийсэн байна.