Монгол Улсын дээд шүүхийн нийт шүүгчийн хуралдаан маргааш буюу энэ сарын 20-ны өдөр болно.
Хуралдаанаар хуулийн этгээдийн мэдээлэлд оруулсан өөрчлөлтийг улсын бүртгэлд бүртгүүлэх тухай Ардчилсан намын хүсэлт буюу АН-ын шинэ даргаар Х.Баттулгыг сонгох эсэх болон Иргэдийн оролцооны нэгдэл нам үүсгэн байгуулсныг улсын бүртгэлд бүртгүүлэх хүсэлтийг тус тус хэлэлцэх юм.
Харин Ардчилсан намын нэрийг барьсан иргэд УДШ-ийн шийдвэрт нөлөөлөх гэсэн мөнгөний жагсаалыг хийж байна. Төрийн тэргүүн, ҮАБЗ-ийн даргаар ажиллаж байсан хүн намын дарга болно гэж байгаа нь ёс зүйн хувьд байж боломгүй үйлдэл баймаар юм. Ийм хүн УДШ-д нөлөөлөх байдлыг хэрхэвч хийж болохгүй.
Ийнхүү Ерөнхийлөгч асан Х.Баттулга АН-ын даргаар өөрийгөө бүртгүүлэхийн тулд амь тэмцэн эцсийн аргаа хэрэглэж байна. Тэрбээр настай хэдэн хүмүүсийг өдрийн 100 мянган төгрөгийн ханшаар хөлсөлж гурван өдрийн жагсаал зохион байгуулж байна.
Тэр дунд нь АН-ын гишүүн гэх хүн тун ховор буюу бараг байхгүй дан хөлсөөр ирсэн хүмүүс байгаа гэдгийг учир мэдэх нэгэн ойлгож байгаа биз ээ.