ОХУ-ын баруун хойд нутгийн Псков хотын нисэх онгоцны буудал дроны халдлагад өртсөн тухай мужийн захирагч Михаил Ведерников мэдэгдлээ. Харин ОХУ-ын Батлан хамгаалах яамнаас дээрх хэрэг явдалтай холбоотой ямар нэгэн тайлбар хийсэнгүй. Халдлагын улмаас хүний амь нас хохироогүй ч Псков хотын "Кресты" олон улсын нисэх буудалд байрлаж байсан цэргийн тээврийн дөрвөн онгоц гэмтсэн аж.
Украинаас 700 км-ийн зайд оршдог Псков муж нь Эстони улстай хиллэдэг юм.