Нигерт төрийн эргэлт хийсэн цэргийн зөвлөлийн гишүүд
-Ерөнхийлөгч Макрон: Нигерт ECOWAS цэргийн ажиллагаа явуулбал Франц дэмжихэд бэлэн байна-
Цэргийнхэн засгийн эрхийг булааж аваад байгаа Нигер улсад үндсэн хуулийн дэг журмыг сэргээхийн тулд Баруун Африкийн орнуудын эдийн засгийн хамтын нийгэмлэгийн (ECOWAS) аливаа арга хэмжээ, хүчин чармайлт, тэр дундаа цэргийн үйл ажиллагааг дэмжихэд Парис бэлэн байна. Энэ тухай Францын ерөнхийлөгч Эммануэль Макрон мэдэгдэв.
Макрон "Бид Нигерийн талаарх ECOWAS-ын дипломат болон хэрэв шийдсэн бол цэргийн үйл ажиллагааг дэмжихэд бэлэн байна" гэж хэлэв.
Сануулахад, 8-р сарын 4-нд ECOWAS-ын төлөөлөгчид Нигерт интервенц хийхээр бэлтгэж байгаа гэдгээ хүлээн зөвшөөрсөн. Үүний зэрэгцээ цэргийнхэнд Ерөнхийлөгч Базумыг суллаж, түрэмгийлэл эхлэх хүртэл эрх мэдлийн төлөөх тэмцлээ орхих боломжийг олгож байгаагаа мөн дурдсан юм.
2023 оны 7-р сарын 27-ны шөнө цэргийнхэн Нигерт засгийн эрхийг булаан авч, үндсэн хуулийг түдгэлзүүлж, улс төрийн аливаа намыг хориглож, хилээ хааж байгаагаа зарласан. Сөрөг хүчин босогчдыг дэмжиж, Африкийн зарим орнуудад эрх мэдлийг хүчээр сольж байгааг Европын холбооны орнууд болон АНУ шүүмжилж байгаа юм.
Тодруулбал, Эммануэль Макрон Нигерт байгаа элэг нэгтнүүдээ халдлагад өртсөн тохиолдолд хамгаалахаар шийдсэн гэдгээ мэдэгджээ. Нигерт францчуудад заналхийлвэл тэвчихгүй гэдгээ тэрээр онцолсон байна. Нигерт жагсагчид Францын элчин сайдын яамны байрыг шатаасны дараа Макрон ийм мэдэгдэл хийгээд байгаа юм.
Эх сурвалж: Лента.ру