Төрийн Думын Коммунист намын бүлгийн депутат Михаил Матвеев ОХУ-ын иргэншил авсан боловч цэргийн алба, дайчилгаанаас зайлсхийсэн хүмүүсийн харьяаллыг цуцлах тухай хуулийн төслийг хэлэлцэхээр өргөн мэдүүлжээ. Энэ талаарх баримт бичгийг Төрийн Думын мэдээллийн санд нийтэлсэн байна.
Матвеев өргөн барьсан хуулийн төсөлдөө "ОХУ-ын иргэний харьяаллын тухай" хуулийн 22 дугаар зүйл буюу ОХУ-ын иргэншлийг цуцлах үндэслэл, журам-д өөрчлөлт оруулахаар тусгажээ.
Тайлбар бичигт энэ хуулийн төсөл нь Оросын иргэншлийг хүлээн зөвшөөрсөн бусад улсын уугуул иргэдэд хамаарна гэж тайлбарлажээ. ОХУ-ын иргэншил авсан өөр улсын иргэд ихэвчлэн цэргийн бүртгэлээс зайлсхийдэг тул Оросын иргэншил нь зөвхөн эрх олгох төдийгүй тодорхой үүрэг хариуцлага хүлээлгэдэг байх ёстой гэж Матвеев тэмдэглэв.
Түүнчлэн хувийн цэргийн компаниудын статусын тухай хуулийн төслийн ажлын талаар Төрийн Думын Батлан хамгаалах хорооны дарга Андрей Картаполов ярихдаа холбогдох газрууд энэ асуудалд хэд хэдэн байр суурьтай байгаа гэж дурджээ.
Эх сурвалж: АиФ