-ISRO нь сарны хөрсний дээд давхаргын температурын мэдээллийг хүлээн авсан-
Энэтхэг хэдхэн хоногийн өмнө саран дээр автомат станцаа амжилттай буулгаад буй. Ингэснээрээ тус улс сарыг эзэмшиж буй 4 дэх улс болж байгаа юм. Тэгвэл Энэтхэгийн "Прагян" аппарат сарны гадаргуугийн температурын талаарх анхны мэдээллийг дамжуулсан тухай Энэтхэгийн сансрын судалгааны байгууллага (ISRO) олон нийтийн X (хуучнаар Twitter) сүлжээнд мэдээлсэн байна.
ChaSTE-ийн тусламжтайгаар сарны туйлын эргэн тойрондох сарны хөрсний дээд давхаргын температурын мэдээллийг олж авсан гэж тайланд дурджээ. Тус байгууллагын мэргэжилтнүүдийн хэлж байгаагаар уг төхөөрөмж нь хяналттай нэвтрэх механизмаар тоноглогдсон бөгөөд 10 см хүртэл гүнд хүрэх боломжтой гэж тэмдэглэжээ. Уг төхөөрөмж нь температур мэдрэгч 10 ширхэг латчикаар тоноглогдсон аж.
ISRO мөн сарны гадаргуугийн температурын янз бүрийн гүнд мэдрэгчийг нэвтрүүлэх явцад бүртгэгдсэн өөрчлөлтийг харуулсан графикийг олон нийтийн мэдээллийн хэрэгслээр нийтэлжээ. "Энэ бол сарны өмнөд туйлын анхны зураг юм" гэж байгууллагын төлөөлөгчид онцолсон байна.
Сануулахад, гараг хоорондын автомат станц "Чандраян-3" долдугаар сарын 14-нд сансарт хөөрч, наймдугаар сарын 5-нд сарны тойрог замд орсон. Улмаар 8-р сарын 24-нд "Прагян" сарны ровер "Чандраян-3" буулгагчаас салж бууж өгөгдсөн даалгавраа гүйцэтгэж эхлээд байгаа юм.
Өмнө нь ISRO сарны өмнөд туйлын талаарх анхны шинжлэх ухааны мэдээллийг хүлээн авснаа зарласан. Хүлээж авсан материалуудын хүрээнд дэлхийн байгалийн ганц дагуул болох сарны гадаргуу дээрх температур Цельсийн 20-30 градус байж болно гэсэн дүгнэлтийг хийгээд байна.
Эх сурвалж: Лента.ру