Шотландын ардын аман зохиолд маш олон аймшигт амьтдын тухай өгүүлдэг бөгөөд тэдний нэг нь Лох Несс-ийн мангас бадаг нь гайхах зүйл биш юм. Өнгөрөгч амралтын өдрөөр бас нэг сонирхогчдын баг мангасыг хайх ажлыг дахин эхлүүлэв. Энэ ангуучдын багт Испани, Франц, Герман, Финлянд, Япон, Австрали болон Америкаас ирсэн 200 гаруй сайн дурынхан оролцож нуурын мандлыг хоёр өдөр манасан ч эрсэн зүйлээ олж харж чадсангүй.
Нессигийн тухай анхны яриа
Лох Несс-ийн ер бусын аварга биетний тухай яриа бүр эрт дээр үеэс улбаатай. Бичгийн эх сурвалжид мангасын тухай анх Ирландын Гэгээн Колумба дурдсан байдаг бөгөөд энэ нь МЭ 7-р зууны үе юм. Хэрэв тэрхүү бичиглэлд итгэх аваас 565 онд Шотландад христийн шашны номлогч лам Лох Нессийн ойролцоо хэд хэдэн хүний амийг хөнөөсөн мангасыг хөөн зайлуулж чадсан тухай өгүүлдэг.
Дараа нь хагас мянган жилийн турш мангас мартагдсан бөгөөд хааяа нуурын нууцлаг үлэмж биеттэй холбоотой мэдээллүүд гарч байв. Харин 20-р зууны дунд үе гэхэд Несси хэмээн нэрлэгдсэн мангасын тухай дэлхий даяар дахин шуугиан дэгдээсэн юм.
Зургийг авсан Британи эрийн хэлснээр бол энэ зураг буусан дүрс бол Лох Нессийн мангас юм. Зургийг нууцлаг амьтны амьдрах орчин гэж үздэг Уркхарт цайзын ойролцоо авсан байна.
Несси-г анх олж харсан нь
1933 онд Лох Нессийн эрэг дээр авто зам баригдсан бөгөөд тэндээс жолооч нар нуурын үзэсгэлэнт байдлыг хардаг байв. Нэгэн өдөр хэсэг аялагч энэ замаар явж байхдаа машиныхаа урдуур зам хөндлөн гүйж яваа эртний ер бусын амьтныг анзаарчээ. Дараа нь тэр нуурын харанхуй усанд орж алга болжээ. Орон нутгийн "Inverness Courier" сонин энэ түүхийг нийтэлсэн бөгөөд сая сая хүмүүс Несситэй ингэж танилцжээ.
Үүний дараа Английн хэд хэдэн хэвлэл мангасын талаар мэдээлэл олж авахын тулд Лох Нессийн эрэг рүү сурвалжлагчдаа илгээж байв. Мөн дэлхийн томоохон циркүүд мангасыг барьсны төлөө томоохон шагналуудыг санал болгож эхэлсэн байна.
Нессигийн зураг
Нэгэн удаа Несси-г камерт буулгаж чадсан бөгөөд 1934 онд Британийн эмч Роберт Кеннет Вилсон урт хүзүүгээ усны мандал дээр гаргасан амьтны зургийг авчээ. Зургийг бүр Daily Mail-д нийтэлсэн. Нийтлэлийн зохиогч мангас нь 60 сая гаруй жилийн өмнө үлэг гүрвэл сөнөхөд амьд үлдэж чадсан плезиозаврын удам юм гэж таамагласан. Материал, гэрэл зургууд нь шинжлэх ухааны нийгэмлэгийн сонирхлыг төрүүлж, ширүүн маргааны сэдэв болжээ.
Харин 1984 онд Британийн гэрэл зургийн сэтгүүлийн шинжээчид уг зургийг хуурамч гэжээ. Daily Mail сонин үл ойлгогдох амьтны зургийг "бүдэгрүүлсэн" нь бодитой бус, гэрэл зурагт халиу эсвэл шувууны аль нэгийг дүрсэлсэн байна гэжээ.
Мангасыг хайж эхэлсэн нь
Янз бүрийн цаг үед хэд хэдэн орны эрдэмтэд Лох Несс мангас байгаа эсэхийг нотлох баримтыг олохын тулд шинжлэх ухааны экспедицүүдийг зохион байгуулжээ.
Нессигийн түүх 1975 онд дахин нэг шуугиан тарьсан бөгөөд эрдэмтэд дуу чимээний болон гэрэл зургийн төхөөрөмж ашиглан нууранд судалгаа хийжээ. Энэ үеэр эрдэмтэд үл мэдэгдэх амьтны асар том сэрвээний дүрсийг буулгаж авсан нь бас нэгэн сенсаац болсон юм.
Нессигийн шинэ ул мөр
21-р зуунд, шинжлэх ухаан, технологийн дэвшлийн зуунд Нессигийн түүх ач холбогдлоо алдахгүй байна. 2011 онд загасчин Жон Роу Лох Нессэд байхдаа овойлттой хар дүрс бүхий зураг авчээ.
Үүний зэрэгцээ, 2013 онд Несси мангасын гарал үүсэл, гадаад төрхийг олон жилийн турш судалж байгаа далайн блогчин Адриан Шайн мангастай холбоотой бүх домог нь хуурамч зүйл гээд энэ худал цуурхал нь Лох Нессийн ойролцоо амралт зугаалгын газартай хүмүүсийн хачирлагддаг. Тиймээс Нессигийн домог нь зөвхөн Шотландын аялал жуулчлалын бизнест ашигтай байдаг гэжээ.
Тэгвэл сүүлийн хагас зуун жилийн хугацааны Нессигийн хамгийн том эрэл өнгөрөгч амралтын өдрүүдээр буюу 8-р сарын 26-27-ны хооронд Лох Несс нууран дээр явагдлаа. Мэргэжилтнүүд хэт улаан туяаны камертай төхөөрөмжүүдийг ашиглан усан сангийн ёроолыг сайтар судлахаар төлөвлөсөн. Мөн усан доорх дуу авиаг бичихийн тулд гидрофоныг нуур руу буулгасан. Гэвч тэдний эрэлд ямар ч шинэ юм мэдэгдсэнгүй. Товчхондоо орон орны 200 гаруй сайн дурын судлаачид ганзага хоосон буцлаа.
Эх сурвалж: Вечерняя Москва болон ВВС