Молекул генетикийн шинжилгээний хариу Тверь мужид болсон онгоцны ослоор амиа алдсан хүмүүсийн нислэгийн хуудсан дээрх жагсаалттай тохирч байгааг харуулсан гэж Мөрдөн байцаах хороо мэдэгдэв. Ийнхүү тус хороо Вагнер-ийн үүсгэн байгуулагч Евгений Пригожин, түүний командлагч Дмитрий Уткин нар нас барсныг баталжээ.
Зорчигчдын дунд Сергей Пропустин, Евгений Макарян, Александр Тотмин, Валерий Чекалов, Дмитрий Уткин, Николай Матусеев, Евгений Пригожин нар байжээ. Багийн гишүүд нь хөлгийн дарга Алексей Левшин, туслах нисгэгч Рустам Каримов, онгоцны үйлчлэгч Кристина Распопова нар байв.
Өмнө нь Евгений Пригожин, Дмитрий Уткин нар өөрсдийгөө орлох "Ихэр"-үүдтэй байсан, хуурамч паспорттай байсан зэргээс үүдэн үхсэн гэдэгт эргэлзэж байсан юм.
Мөрдөн байцаах хорооноос Замын хөдөлгөөний аюулгүй байдал, агаарын тээврийн ашиглалтын журам зөрчсөн (Эрүүгийн хуулийн 263-р зүйл) гэсэн зүйл ангиар эрүүгийн хэрэг үүсгэсэн. Аливаа агаарын ослын дараа энэ зүйлийн дагуу хэргийг эхлүүлдэг аж.
Эх сурвалж: ВВС