Финлянд улс Украинд 94 сая еврогийн шинэ цэргийн тусламж үзүүлэхээр болсон нь баасан гарагт тодорхой болов. Уг мэдэгдлийг Финландын засгийн газрын цахим хуудсанд нийтэлжээ.
Энэ нь тус улсын хувьд Украинд өгч буй 18 дахь удаагийн цэргийн техник нийлүүлж буй явдал юм. Одоо Финландын Украинд үзүүлсэн цэргийн нийт тусламжийн хэмжээ 1.3 тэрбум евро болж байна.
“Финлянд болон манай холбоотнуудын зүгээс Украинд үзүүлэх дэмжлэг гуйвшгүй хэвээр байна. Европ болон Финляндын ирээдүйн аюулгүй байдлын дэг журмын гол асуудал бол Украины эсрэг Оросын түрэмгийллийг таслан зогсоох чадвар юм” гэж Финландын Батлан хамгаалахын сайд Антти Хаккинэн мэдэгдэв.
Өмнө нь Финландын Ерөнхийлөгч Саули Ниинистё Финландын эсрэг чиглэсэн Оросын суртал ухуулга улам бүр нэмэгдэж байна гэж мэдэгджээ.
Эх сурвалж: ВВС news