"Вагнер" нь de jure /хуулийн ёсны хүрээнд хүлээн зөвшөөрөх боломж/ байхгүй тул түүний ирээдүйн хувь заяаны талаар ярихад хэцүү байна гэж Кремлийн албан ёсны төлөөлөгч Дмитрий Песков сэтгүүлчдийн холбогдох асуултад хариулахдаа онцолжээ.
Үүний зэрэгцээ ОХУ-ын Ерөнхийлөгч В.Путины удаа дараа хэлсэнчлэн Украин дахь тусгай ажиллагааны явцад ихээхэн хувь нэмэр оруулсан Вагнерын бүлэглэл бий гэж хэвлэлийн нарийн бичгийн дарга мэдэгдэв.
Песков “Эдгээр хүмүүсийн баатарлаг гавьяа хэзээ ч мартагдахгүй” гэж Ерөнхийлөгч хэлсэн. Вагнерын бүлгийн ирээдүйн тухайд одоо би юу ч хэлж чадахгүй, энэ талаар мэдэхгүй байна" гэжээ.
Өмнө нь В.Путин Тверь мужид “Вагнер” компанийн үүсгэн байгуулагч Евгений Пригожин сууж явсан “Эмбраер” онгоцны сүйрлийн талаар анх удаа ярьсан юм. Уг хэргийн мөрдөн байцаалтын ажиллагааг эцсийг нь хүртэл хийх болно гэж төрийн тэргүүн мэдэгдсэн юм.
Ерөнхийлөгчийн хэвлэлийн төлөөгч мөн бизнесмэн Евгений Пригожины онгоцны сүйрэлд Кремль оролцсон тухай мэдэгдэл бодит байдалтай огт уялдахгүй гэж тодотголоо.
Тверийн ойролцоо онгоцны осол наймдугаар сарын 23-нд болсон. Зорчигчдын дунд Пригожин өөрөө, мөн Вагнерын гол командлагч Дмитрий Уткин нар байсан.
Ослын талаар эрүүгийн хэрэг үүсгэсэн. Мөрдөн байцаалтын явцад Тверь мужид болсон онгоцны ослын шалтгааны хэд хэдэн хувилбарыг авч үзэж байгаа бөгөөд үүнд нисгэгчийн алдаа, техникийн асуудал, гадны нөлөөллүүд багтсан байна.
Түүнчлэн мөрдөн байцаалтын нэг хувилбараас үзэхэд онгоцны буух төхөөрөмжийн тасалгаанд тэсрэх бөмбөг байрлуулсан байж болзошгүйгэж яригдаж байгаа юм.
Эх сурвалж: Лента.ру