Лхагва гарагийн орой Тверь хотын ойролцоо Embraer Legacy 600 тийрэлтэт онгоц осолджээ. Онгоц агаарт хуваагдан унажээ. Энэ онгоц нь Вагнер-ийн үүсгэн байгуулагч Евгений Пригожинтэй холбоотой. Онгоцонд ийм нэр, овогтой хүн байсан гэж Росавиациа мэдээлэв. Онгоцонд нийт долоон хүн байсан, үүнээс гурван нь нислэгин багийнхан байсан. Ослын улмаас хэн ч амьд үлдээгүй. Гэхдээ Вагнерыг үүсгэн байгуулагч нас барсан тухай албан ёсны баталгаа хараахан гараагүй байна. Онгоцны ослоор нас барсан тухай хэд хэдэн хэвлэл мэдээллийн хэрэгсэл, тэр дундаа Пригожинтэй ойрын хүмүүс нэрээ нууцалсан эх сурвалжаас иш татан мэдээлжээ. Пригожинд бас өөрийг нь орлогч "ихэр" бий. Түүнчлэн өөр нэрийн паспортаар зорчигчдог байв.
Лхагва гарагийн орой Евгений Пригожин онгоцны ослоор нас барсан тухай Wagner-ийн удирдлагад ойр байдаг Gray Zone Telegram суваг мэдээлэв. “Оросын баатар, эх орныхоо жинхэнэ эх оронч Евгений Викторович Пригожин Оросоос урвагчдын үйлдлийн улмаас нас баржээ. Гэхдээ тамд ч гэсэн тэр хамгийн шилдэг нь байх болно!" гэжээ.
Түүнчлэн хөлсний армийг үүсгэн байгуулагчдын нэг, анхны командлагч Уткин Пригожинтэй хамт нас барсан гэж мэдэгджээ.
Оросын эрх баригчид Пригожин, Уткин нар нас барсныг албан ёсоор батлаагүй байна. Москвагийн цагаар 20.00 цагт Холбооны агаарын тээврийн агентлаг осолдсон онгоцны зорчигчдын жагсаалтад Евгений Пригожин байгаа гэж мэдэгдэв. Үдшийн 23.00 цагт салбарууд сүйрсэн онгоцонд байх ёстой бүх хүмүүсийн нэрийг телеграм сувгаар нийтэлжээ.
Тэнд дурдагснаар бол Пригожинтэй хамт Уткин, түүнчлэн Александр Тотмин, Сергей Пропустин, Евгений Макарян, Валерий Чекалов, Николай Матусеев нар ниссэн гэжээ.