- "Вагнер"-ын удирдагч Пригожин Африкаас бичлэгээр мэдэгдэл хийв
- Тус бүлгэм цэрэг нэмж авсаар байгаа гэв
- Украины агаарын довтолгоо ОХУ-ын бөмбөгдөгч онгоцыг онилов
“Вагнер” хувийн цэргийн бүлгэмийн удирдагч Евгений Пригожин хоёр сарын өмнө хийсэн зэвсэгт халдлагын дараа анх удаа бичлэгээр мэдэгдэл хийлээ. Тэрбээр өөрийгөө Африкт байгаа хэмээн мэдэгдэж “Африкийг илүү эрх чөлөөтэй болгоно” хэмээн ярьжээ.
Мөн Пригожин тус бичлэгт ""Вагнер" ашигт малтмалын эрэл хайгуул хийхээс гадна исламын дайчид болон бусад гэмт хэрэгтнүүдтэй тэмцэж байгаа" гэв. "Вагнер" хувийн цэргийн бүлгэм цэрэг нэмж авсаар байгаа бөгөөд тавьсан зорилгоо биелүүлэхийн төлөө ажиллана хэмээн мэдэгдэв.
Үүнээс гадна Украины агаарын довтолгоо ОХУ-ын Санкт-Петербург хот дахь Солцы-2 агаарын баазад байсан Туполев Ту-22 бөмбөгдөгч онгоцыг онилжээ.
ОХУ Украины дроныг буудаж унагасан ч бөмбөгдөгч онгоц дээр унаж, дэлбэлсэн байна. Дуунаас хурдан, алсын зайн бөмбөгдөгч онгоцыг ОХУ Украины хотууд руу довтлохдоо ашигласан гэв. Халдлагын улмаас хохирсон иргэд байхгүй бөгөөд дэлбэрсэн онгоцны галыг тэр дор нь унтраажээ.
Эх сурвалж: ВВС, Алжазийра
