Ням гарагийн өглөө Багдад хотын бүх сурталчилгааны дэлгэц унтарчээ. Бямба гарагт Багдадын хөл хөдөлгөөн ихтэй уулзварын том дэлгэц гэнэт зар сурталчилгааны оронд порно кино үзүүлж эхлэв. Эрх баригчид нийслэлийн бүх цахим сурталчилгааны самбарыг түр унтраасан байна.
Лалын шашинт Иракийн нийслэлд тохиолдсон ийм ер бусын үйл явдлын дүрс бичлэг, гэрэл зураг олон нийтийн сүлжээгээр тэр даруй хурдан тархжээ.
Үүнтэй холбоотойгоор цагдаа нар сэжигтнийг баривчилсан бөгөөд тэр урьд нь Багдад хотын цахим сурталчилгааны самбар ажиллуулдаг нэгэн фирмд техникч байсан гэж мэдэгджээ. Цагдаа нарын мэдээлснээр тэрээр тус фирмтэй санхүүгийн маргаантай байсан бөгөөд үүний хариуд рекламны оронд порно киног дэлгэцээр гаргажээ.
Иракийн хууль сахиулах байгууллагын эх сурвалжаас иш татан Франс Пресс агентлагийн мэдээлснээр, хамгаалалтын албаныхан ирж кабелийг таслах хүртэл порно кино дэлгэцэн дээр хэдхэн минут үргэлжилсэн байна.
Үүний дараагаар ням гарагт Багдадын эрх баригчид хотын бүх цахим сурталчилгааны самбарыг унтраахаар шийджээ.
Агентлагийн ярилцагчийн хэлснээр ийм тохиолдлоос хэрхэн сэргийлж хамгаалах талаар шийдэл гарах хүртэл дэлгэцүүдийг унтраах юм байна.
Эх сурвалж: ВВС