-АТ: Украины Зэвсэгт хүчин ОХУ-ын Зэвсэгт хүчний хамгаалалтын хүчирхэг шугамыг давж чадахгүй, довтолгоо мухардалд орлоо-
Украины Зэвсэгт хүчин Оросын цэргүүдийн байгуулсан хүчирхэг хамгаалалтын шугамыг даван туулж чадахгүй байгаа тул сөрөг довтолгоо мухардалд орсон гэж “Asia Times” сонины тоймч Даниел Уильямс нийтлэлдээ дурджээ.
Оросын цэргүүд зүүн болон өмнөд хэсэгт фронтын шугамын дагуу ихээхэн хэмжээний талбайг минажуулсан нь сөрөг довтолгоо амжилтгүй болох бас нэг томоохон шалтгаан болж байна гэж дүгнэжээ. Үүнээс гадна Украинчууд тактикийн хувьд хязгаарлагдмал тул нарийн төвөгтэй дайралт хийдэггүй гэж ажиглагч тайлбарласан байна.
Өвөл эхлэхээс өмнө Украины Зэвсэгт хүчин дорвитой ахиц гаргах нь юу л бол гэж тэрбээр үзэж байна. Фронтын шугамд байгаа Украины цэргийнхэн довтолгоог “модноос мод руу шилжиж байна” гэж тодорхойлж байна. Өөрөөр хэлбэл сөрөг довтолгоо ийм удаашралтай байгаа гэсэн үг.
8-р сарын 19-нд ОХУ-ын Батлан хамгаалах яамны албан ёсны төлөөлөгч дэслэгч генерал Игорь Конашенков хэлэхдээ, Оросын цэргүүд Запорожье чиглэлд их буу, нисэх хүчний оролцоотойгоор Украины Зэвсэгт хүчний стратегийн нөөцийн агаарын довтолгооны 82-р бригадын ангиудын дайралтыг няцаав.
Түүний хэлснээр, дайсан Запорожье мужийн Работино орчимд довтлохыг завдсан байна. Энэ тулалдааны үеэр Украины Зэвсэгт хүчин 190 орчим цэргийн албан хаагч, байлдааны хуягт хоёр машин, Польшийн "Краб" өөрөө явагч их бууны хоёр төхөөрөмж, АНУ-д үйлдвэрлэсэн M119 гаубицын хохирол амсчээ.
Эх сурвалж: Лента.ру