Алексей Хилский эхнэр Надеждагийн хамт
Украинд байлдааны ажиллагааны үеэр театр, киноны жүжигчин Алексей Хилский нас барсаныг “Российская газета” мэдээллээ.
Өдгөө 35 настай жүжигчний үхлийг эхнэр нь мөн баталжээ. Хилский Украины Зэвсэгт хүчний талд тулалдаанд оролцсон бөгөөд түүний үхлийн шалтгаан нь байлдааны даалгавар гүйцэтгэх үеэр авсан шарх байв. Тэр дайн эхлэхтэй зэрэгцэн эх орноо хамгаалахаар цэрэгт явж өнөөг хүртэл олон тулаанд орж байжээ.
Дайны явцад Алексей хоёр удаа шархадсан ч фронтод буцаж ирсэн бөгөөд Бахмут, Соледар нарыг хамгаалж, Херсоныг эзлэн авахад оролцсон байна.
Цэрэг Хилский
Хилский 1987 оны 11-р сарын 14-нд Днепродзержинск хотод төрсөн. 2010 онд тэрээр «Верим!» театрын тайзан дээр тоглож эхэлсэн. Дөрвөн жилийн дараа Днепропетровскийн театр, урлагийн коллежийг төгссөн.
2016 онд жүжигчин кинонд тоглож эхэлсэн. Тэрээр "Шиншлэгч" олон ангит кинонд тоглож ихэд нэрд гарсан төдийгүй "Олдворууд", "Цагдаагийн дайн", "Сорилт" зэрэг олон ангит кинонд бүтээсэн дүрээрээ авьяаслаг жүжигчин болохоо харуулсан юм.
Украины дайны үеэр мөн жүжигчин, найруулагч, сэтгүүлч Владимир Ширапов 54 насандаа таалал төгссөн тухай өмнө нь мэдээлж байсан. Түүнийг "Булаг" сошиал жүжгийн Виктор, "Маньячелло" хар инээдмийн жүжгийн Палычийн дүрээр олон нийт мэддэг юм.
Эх сурвалж: Лента.ру болон.rbc.ua/