Хятад-Лаос чиглэлийн төмөр зам 2021 оны 12 сарын 03-нд ашиглалтад орсон. Тэр цагаас хойш давхардсан тоогоор 20 сая 90 мянган зорчигч тээвэрлээд байна гэж Хятадын Төмөр замын Күнмингийн корпораци мэдээлжээ.Хоёр орныг холбосон төмөр зам Хятадын Шишуанбаньна болон Лаосын Луан Прабанг хотуудыг холбож, Хятад болон Зүүн өмнөд Азийн аялал жуулчлалын гол бүс нутгаар дайран өнгөрдөг байна. Улмаар Хятад, Лаосын эдийн засгийн хамтын ажиллагааг өргөжүүлж, худалдааны эргэлтийг сайжруулжээ. Мөн "Бүс ба зам"-ын хамтын бүтээн байгуулалтыг өндөр чанартай хөгжүүлэхэд тус дөхөм болсон хэмээн онцолсон байна.
