АНУ-ын Зэвсэгт хүчний стратегийн командлалын дарга Энтони Коттон тив хоорондын шинэ төрлийн баллистик пуужин болон шумбагч онгоц, түүнчлэн стратегийн бөмбөгдөгч онгоц бүтээх ажлын явцдаа сэтгэл хангалуун байгаагаа мэдэгдэв.
“Зургаа дахь үеийн нисэх онгоц болох В-21 хөтөлбөрийн явцын хүрсэн түвшиндээ бид сэтгэл хангалуун байна. Түүнчлэн шумбагч "Columbia" хөлөг онгоцны багтай хамтран үнэхээр сайн үр дүнд хүрсэн гэж бодож байна" гэж тэр хэлэв.
B-21 Raider-ийг 2022 оны 12-р сарын 2-ны өдөр Палмдейлд болсон ёслолын үеэр олон нийтэд танилцуулсан.
Пентагоны төлөөлөгч нэмж хэлэхдээ, АНУ тив алгасагч "Sentinel" баллистик пуужингийн хэрэглээний боломжийг өргөжүүлсэн. Үүний зэрэгцээ, АНУ-ын Агаарын цэргийн хүчинд хэрэглэж байгаа "Minuteman III" пуужин нэлээд үр дүнтэй хэвээр байна гэжээ.
Тэрбээр мөн Вашингтонд хэт авианы зэвсэг бүтээхэд тодорхой бэрхшээлтэй байгааг хүлээн зөвшөөрч, үүнийг мэргэшсэн боловсон хүчин дутмаг байгаатай холбон тайлбарласан байна.
Стратегийн давшилтын зэвсгийн гэрээний хугацаа 2026 онд дуусч байгаатай холбогдуулан АНУ тус улсын цөмийн зэвсэгт хүчнийг боловсон хүчнээр хангах асуудлыг судалж байна гэж Пентагоны төлөөлөгч өмнө нь мэдэгдэж байсан юм.
Эх сурвалж: Лента.ру