Пүрэв гарагт CNN, BBC тэргүүтэй хэвлэлүүдийн мэдээлснээр евро бүс эдийн засгийн хямралд оржээ.
Эдийн засагчдын хувьд улс орныг эдийн засгийн хямралд орсон эсэхийг тодорхойлохдоо сүүлийн 2 улирлын эдийн засгийн ерөнхий үзүүлэлтийг харж, харьцуулдаг билээ. Улмаар эдийн засгийн ерөнхий үзүүлэлт хоёр улирал дараалан буурсан байх аваас тухайн улсыг хямралд орсон хэмээн үздэг юм.
Харин евро бүсийн эдийн засгийн хувьд 2023 оны эхний улирлын үзүүлэлт 2022 оны дөрөвдүгээр улирлын үзүүлэлтээс 0.1 хувиар буурснаар хоёр улирал дараалан уналттай гарсан гэж бүртгэгджээ. Тийнхүү олон улсын хэвлэлүүд евро бүсийг эдийн засгийн хямралд орсон гэж мэдээлэх болсон байна.
Эх сурвалж: CNN
