Украин зуны сөрөг довтолгоо хийх гэж байна гэж АНУ-ын Үндэсний аюулгүй байдлын зөвлөлийн стратегийн харилцаа холбооны зохицуулагч Жон Кирби мэдэгдсэнийг CNN эш татсан байна.
"Зуны улиралд сөрөг довтолгоо хийхээр бэлтгэж байгаа Украины армид өөрийгөө хамгаалахад шаардлагатай бүх зүйл байгаасай гэж бид хүсч байна. Бид Украинд цэргийн техник, хамгаалалтын систем нийлүүлэх ажлыг зуны улиралд, тэр дундаа маш ойрын ирээдүй нийлүүлэх бодолтой байна" гэж тэр хэлэв.
Цагаан ордны хэвлэлийн төлөөлөгчийн хэлснээр, АНУ-ын арми сөрөг довтолгооныг төлөвлөж эхэлснээс хойш Украины цэргийнхэнтэй холбоо харгилцаатай ажиллаж байгаа ажээ. Үүнээс гадна Вашингтон Киевт цэргийн шинэ хангамж илгээх гэж байна.
Украины Ерөнхийлөгч Владимир Зеленский өмнө нь Украины Зэвсэгт хүчний сөрөг довтолгооны эхлэх хугацааг Киев баталсан гэж мэдэгдсэн юм.
Украины арми сөрөг довтолгоонд бэлтгэж байгаа тухай хэвлэлүүд олон сар бичиж мэдээлж байгаа ч яг хэдийд эхлэх цаг хугацааг янз бүрээр нэрлэж байгаа юм. Саяхан Украины армийн Жанжин штабын дарга "сөрөг довтолгоо маргааш, нөгөөдөр... эсвэл долоо хоногийн дараа ч эхэлж болох юм" хэмээн телеграмм сувагтаа бичсэн. Энэ нь олон сар бэлтгэсэн сөрөг довтолгоо эхлэхэд бэлэн болсон гэсэн үг юм. Түүнчлэн өөрийгөө тунхаглаж, улмаар ОХУ өөрийн газар нутаг хэмээн хуульчлаад байгаа Донецкийн Бүгд Найрамдах улсын тэргүүний зөвлөх Ян Гагин Украины армийн "мөлхөө" сөрөг довтолгоо эхэлсэн гэж мэдэгдсэн байна.
Эх сурвалж: Лента болон бусад