-SpaceNews: НАСА болон Боинг компани "Starliner" сансрын хөлгийг долдугаар сард хөөргөхөөр төлөвлөж байна-
НАСА болон "Боинг" компаниуд аюулгүй байдлын талаар санаа зовниж байгаа ч товлосон хугацаандаа "Starliner" хөлгийг хөөргөхөө амласан тухай "SpaceNews" мэдээлэв.
Уг сэтгүүлд бичснээр, сансрын хөлөг дээр ажиллаж буй АНУ-ын сансрын агентлаг /НАСА/ болон сансрын компанийн албаны хүмүүс "шинээр үүсч буй асуудлууд" болонын аюулгүй байдлын комиссын санаа зовниж буйг үл харгалзан ирэх 7-р сард товлосон нислэгийн бэлтгэлээ үргэлжлүүлж байна гэж мэдэгджээ.
Энэхүү хамтарсан мэдэгдэлд талууд баталгаажуулалтын ажлыг 95 хувьтай гүйцэтгэсэн бөгөөд болзошгүй эрсдэл, ялангуяа түлшний системд гоожилт үүсэх, хавхлагатай холбоотой асуудлуудыг арилгахаар ажиллаж байна гэж мэдэгдэв. Үүнээс гадна дулааны хяналтын систем, цахилгааны утаснуудын галд тэсвэртэй байдал, шүхрийн системийн үр нөлөө зэрэгт онцгойлон анхаарч байна.
Үүний зэрэгцээ НАСА болон Боинг компаниуд аюулгүй байдлын үүднээс шаардлагатай бол "Starliner" нисэгчтэй нислэгийг хойшлуулахыг үгүйсгээгүй байна.
Өмнө нь "SpaceNews" агентлаг НАСА-гийн Аюулгүй байдлын комиссын дарга Патрисия Сандерсаас иш татан мэдээлснээр НАСА болон Боинг компани 7-р сарын 21-нд хийхээр төлөвлөсөн "Starliner" сансрын хөлөгтэй холбоотой тодорхой асуудлуудыг шийдэж амжихгүй байж магадгүй гэж мэдэгдэж байсан юм