Тус улсын эрх мэдлийг булаан авсан талибуудын радикал хөдөлгөөний байгуулсан Афганистаны Засгийн газрын тэргүүн Мохаммад-Хасан Ахунд эрүүл мэндийн шалтгаанаар албан тушаалаасаа чөлөөлөгдөх хүсэлт гаргасан байна. Энэ тухай TOLOnews телевиз Талибаны Засгийн газрын эх сурвалжаас иш татан мэдээлэв.
Тус телевизийн мэдээлснээр түүний оронд Абдул Кабир Талибаны Засгийн газрын түр ерөнхий сайдын албан тушаалд томилогдсон байна. Тэрбээр өмнө нь Ахудын улс төрийн асуудал эрхэлсэн орлогчоор ажиллаж байсан юм.
Ахунд 2021 оны 9-р сард Талибаны Засгийн газар байгуулагдсаны дараагаас Афганистаны Засгийн газрыг тэргүүлж байв.
Тодруулахад, Эдүгээ 78 настай тэрбээр Талибан хөдөлгөөний үүсгэн байгуулагч, удирдагчдын нэг. Афганистаны мужахидуудын хээрийн командлагч байсан юм.
Одоогоор Талибаны Засгийн газрыг дэлхийн аль ч улс хүлээн зөвшөөрөөгүй байгаа юм. Олон улсын хамтын нийгэмлэг радикал талибудаас Афганистан дахь янз бүрийн угсаатны улс төрийн хүчний төлөөлөгчид, түүнчлэн эмэгтэйчүүдийг багтаасан шинэ эвслийн Засгийн газар байгуулахыг шаардаж байгаа ч талибууд хүлээж аваагүй хэвээр байна.
Эх сурвалж: Fergana.agency/news/
