Узбекистан улс БНХАУ-тай 4.4 тэрбум ам.долларын өртөг бүхий нийт 4.8 ГВт-ын хүчин чадалтай нар, салхины 11 цахилгаан станц барихаар тохиролцлоо гэж Бүгд Найрамдах Узбекистаны Ерөнхийлөгчийн хэвлэлийн алба мэдээллээ.
Саяхан Узбекистаны Ерөнхийлөгч Шавкат Мирзиёевын БНХАУ-д хийсэн төрийн айлчлалын үеэр ийм тохиролцоонд хүрсэн байна. Альтернатив эрчим хүчийг хөгжүүлэх хөрөнгө оруулалт, технологийн хамтын ажиллагааны хөтөлбөр нь БНХАУ-ын дарга Ши Жиньпинтэй хийсэн хэлэлцээний гол сэдвүүдийн нэг болжээ.
Узбекистан улсад нар, салхи, усан цахилгаан станц барих, фотоволтайк хавтан, цахилгаан тоног төхөөрөмж, трансформатор, батерей үйлдвэрлэх, түүнчлэн менежментийг дижитал болгох, мэргэжилтэн бэлтгэх зэрэг асуудлыг ээнэ гэрээнд тусгасан байна.
Айлчлалын үеэр цахилгаан дамжуулах агаарын шугам, дэд станц барих төслийн санхүүжилт болон "Наманганы районд баригдах Нарынскийн усан цахилгаан станц барих төслийн ТЭЗҮ боловсруулах тухай гэрээ" түүнчлэн “Ташкент мужийн Бостанлык районд баригдах Айгайн усан цахилгаан станцын бүтээн байгуулалт” зэрэг ний 41 баримт бичигт гарын үсэг зурсан байна.
Үүнээс гадна БНХАУ-ын оролцоотой дахин 11 нарны болон салхин цахилгаан станц барих талаар энэ сарын 23-нд Ерөнхийлөгчиийн оролцсон зөвлөгөөний үеэр нийгмийн байгууллагууд болон төрийн байгууллагуудад сэргээгдэх эрчим хүчний эх үүсвэрийг нэвтрүүлэх ажлын явцын талаар ярилцсан байна . Энэ жил Узбекистаны эрх баригчид нийгмийн болон төрийн байгууллагуудад 220 МВт-ын хүчин чадалтай нарны зай хураагуур суурилуулахаар төлөвлөжээ. Тэдгээрээс тавдугаар сарын эцсийн байдлаар нийт 107 МВт хүчин чадалтай нарны зай хураагуур суурилуулаад байна.
Төрийн өмчит томоохон компаниуд дээрх ажлуудыг эрчимтэй хийж байгаа ч нийгмийн байгууллагуудын ажил удаашралтай байгааг дэрх зөвлөгөөний үеэр онцолжээ. Тухайлбал, нийт төлөвлөсөн хавтангийн 36 хувийг их, дээд сургуулийн барилгад, 33 хувийг ерөний боловсролын сургуулиудад, 28 хувийг эмнэлгийн байгууллагад суурилуулсан байна.
Бүгд Найрамдах Улсын хувьд энэ үзүүлэлт бараг 50% хүрч, жишээлбэл, Ташкент хотод сэргээгдэх эрчим хүчний эх үүсвэрийг нэвтрүүлэх ажил төлөвлөсөн хэмжээний 26%-д хүрээд байна. Ерөнхийлөгч Шавкат Мирзиёев бүх боломжийг ашиглаж, энэ ажлыг түргэтгэхийг үүрэг болгожээ.
Эх сурвалж: Сentralasiamedia