2023 оны эхний гурван сард экспортолсон автомашиныхаа хэмжээгээр БНХАУ Япон улсыг ардаа орхиж, дэлхийд тэргүүлжээ.
Өнгөрөгч долоо хоногт албаныхны танилцуулсан тоон баримтаас үзвэл энэ оны эхний гурван сард БНХАУ нийт 1.07 сая автомашин экспортолсон бөгөөд энэ нь өнгөрөгч оны мөн үетэй харьцуулахад даруй 58 хувиар өссөн үзүүлэлт юм. Харин мөн үед Япон улс нийт 954,185 ширхэг автомашин экспортолсноор өнгөрөгч оны үзүүлэлтээ ердөө 6 хувиар өсгөсөн байна.
Үйл явдлын хүрээнд BBC агентлагаас мэдээлснээр БНХАУ-ын автомашин экспортын өсөлтөд нөлөөлсөн гол хүчин зүйл нь цахилгаан автомашины эрэлт нэмэгдсэн болоод ОХУ-ын зах зээлд нийлүүлэх автомашины тоо хэмжээгээ нэмэгдүүлсэнтэй холбоотой гэсэн юм.
ОХУ Украины нутаг дэвсгэрт цэргийн тусгай ажиллагаа явуулж эхэлснээс хойш тэднийг эсэргүүцсэн барууны орнууд Оросын зах зээлийн орхисноор БНХАУ-ын хувьд ихээхэн боломж нээгдсэн билээ.
Эх сурвалж: BBC