Украины Ерөнхийлөгч Владимир Зеленский баасан гарагт Арабын лигийн орнуудын удирдагчдын уулзалт болж буй Саудын Арабын Жидда хотод газардсан тухай орон нутгийн Аль-Хадат телевиз мэдээллээ.
“Украины ерөнхийлөгч Польшоос хөөрсөн Францын онгоцоор Жиддад ирсэн” гэж тус суваг мэдэгджээ.
"Ройтерс" агентлагийн эх сурвалж Зеленский холбоотон болон Украин, Оросын хоорондох дайнд төвийг сахисан орнуудтай Жиддад хэлхээ холбоо тогтооно гэж найдаж байгааг онцолжээ.
Тэрбээр цахим хуудастаа "Саудын Арабт ирлээ. Би Арабын лигийн дээд хэмжээний уулзалтад үг хэлнэ. Мөн угсаа залгамжлах хунтайж Мохаммед бин Салман Аль Саудтай уулзаж, хоёр талын бусад хэлэлцээ хийнэ" гэжээ.
Барууны мэдээллийн агентлагууд эх сурвалжаас иш татан мэдээлснээр Зеленский дараа нь Их долоогийн дээд хэмжээний уулзалтад оролцохоор Хирошима хотыг зорих ажээ.
Гэсэн хэдий ч Украины Үндэсний аюулгүй байдал, батлан хамгаалах зөвлөлийн хэвлэлийн алба баасан гарагийн өглөө мэдэгдэхдээ Зеленский G7-ийн дээд хэмжээний уулзалтад онлайн хэлбэрээр оролцоно гэжээ.
Эх сурвалж: ВВС