Хойд Солонгос өнөөдөр /2022.05.12/ Ковид-19-ийн омикрон хувилбарын анхны тохиолдол бүртгэгдэж, коронавирусгүй гэсэн мэдэгдлээ албан ёсоор зогсоолоо.
Тус улсын нийслэл Пхеньянд удирдагч Ким Чон Ун-ыг оролцуулан улс төрийн товчооны хурал хийж, халдварын ноцтой нөхцөл байдлын талаар хэлэлцсэн гэж Хойд Солонгосын албан ёсны мэдээллийн агентлаг KCNA-аас мэдээлжээ.
KCNA мэдээллийн агентлагаас хэр олон хүн халдвар авсныг тодорхой мэдээлээгүй ч олон тохиолдол бүртгэгдсэн байх магадлалтай байна.
Ким Чон Ун улс орныхоо үндэсний батлан хамгаалах аюулгүй байдлын үүднээс хил, далай, агаарын бүх фронтод сонор сэрэмжтэй байхыг уриалж, гэнэтийн үйл явдлыг даван туулахаа илэрхийлж, албан тушаалтнуудад вирусын тархах бүх боломжийг бүрэн хаахын тулд улс даяар бүх хот, мужуудыг хатуу хорион оруулахыг тушаажээ.
