Өнөөдөр 5-р сарын 12-ны өглөөний 08 цагийн орчимд Хятад улсын баруун өмнөд хэсгийн Чунчин хотын нисэх онгоцны буудалд зорчигч тээврийн онгоц хөөрөх үеэр хөөрөх зурвасаас гарч, шатсан байна. Уг ослын улмаас 25 хүн шархадсан талаар тус нисэх онгоцны буудлынхан мэдэгджээ.
Төвөдийн Зорчигч Тээврийн Компани (Tibet Airlines)-ын тус онгоцонд 113 зорчигч, нислэгийн багийн 9 гишүүн байсан аж. Онгоцонд байсан бүх хүмүүсийг нүүлгэн шилжүүлж, шархадсан хүмүүсийг яаралтай эмнэлэгт хүргэж эмчлүүлж байна.
