Хятадын "Лупенглайюаню 8" загас агнуурын хөлөг онгоц Энэтхэгийн далайн төв хэсэгт хөмөрч живж, онгоцонд байсан 39 багийн гишүүн бүгд сураггүй алга болсон талаар тус улсын төрийн хэвлэлүүд мэдээлжээ.
Хятадын төв телевизийн мэдээлснээр, багийн бүрэлдэхүүнд Хятадын 17, Индонезээс 17, Филиппиний таван хүн багтсан байжээ.
БНХАУ-ын дарга Ши Жиньпин, БНХАУ-ын Төрийн зөвлөлийн Ерөнхий сайд Ли Цян нар амьд үлдсэн хүмүүсийг хайх ажилд туслахыг гадаад дахь Хятадын дипломат ажилтнууд болон хөдөө аж ахуй, тээврийн яамдад даалгажээ.
Ослын шалтгааныг одоогоор тодорхой мэдээлээгүй байна.
Уг хөлөг онгоцыг тус улсын зүүн бүс нутгийн Шаньдун мужид байрладаг "Penglaiyingyu Co" компани эзэмшдэг байжээ.
Эх сурвалж: Сentralasiamedia.
